17-18 нче ноябрь көннәрендә Educare International Consultancy компаниясе генераль директоры Майк Тируман, “Татарстан Республикасында укытуның сыйфатын камилләштерү” проекты җитәкчесе Лилия Мөхәмәтшина гимназия-интернатта булып, укытучыларның дәресләрендә карадылар, алар белән дәрескә анализ ясадылар. Соңыннан кунаклар мәктәп коллективы белән очраштылар, аларга үзләренең тәкъдимнәрен җиткерделәр.

Бүгеннән гимназия-интернат укучылары өчен заманча җиһазландырылган релаксация бүлмәсе эшли башлады.

Гимназия-интернат укучылары Шәйхин Айдар һәм Шакирова Ләйлә (укытучылары Абдуллина М.М.) Татарстан Республикасы мәгариф һәм фән министрлыгы үткәргән I Республикакүләм фән Фестивалендә "Татарстан һәм татар халкы тарихы һәм мәдәнияте" юнәлеше буенча 1 нче урынны яуладылар.

Инглиз теле буенча Бөтенроссия олимпиадасына әзерлек кысаларында 1-4 нче ноябрь көннәрендә гимназия-интернат укучылары Әгълетдинова Энҗе, Хуҗиева Динара, Насертдинова Сөмбел Республика олимпиада үзәгендә укуларда булып кайттылар.

8 нче ноябрь көнне гимназия-интернатта "Укытучының һөнәри осталыгын камилләштерү. Уңышлы хезмәттәшлек өчен фикерләүне үстерү" исеме астында педсовет узды. Педсоветта 1 нче чирек нәтиҗәләре анализланды, укытучылар тарафыннан яңа өйрәтү структуралары, яңа фикерләү алымнары кулланып workshop үткәрелде.

Укучылар арасында узган "Сез иң галим кеше икәнсез!" районкүләм иншалар конкурсында 10 нчы сыйныф укучысы Гыйльманова Чулпан (укытучысы Хәева-Хәмитҗанова В.Х.) 9-11 нче сыйныф укучылары арасында 1 нче урынны яулады.

7 нче ноябрь көнне гимназия-интернат базасында район мәктәпләре директорларының семинары узды.

Кичә гимназия-интенатта Россия мәгариф һәм фән өлкәсендә күзәтчелек хезмәте җитәкчесе Сергей Кравцов, аның урынбасары Анзор Музаев һәм Татарстан Республикасы Премьер-министры урынбасары – мәгариф һәм фән министры Энгель Фәттахов булып киттеләр. Кунаклар мәктәпнең инфраструктурасы, аның гомуми эшчәнлеге, гамәлгә ашырылып килүче проектлар белән таныштылар.

Актаныш районы спорт мәктәбе үткәргән йөзү ярышларында төрле йөзү стильләрендә уңышлы чыгыш ясап, 5 нче сыйныф укучылары Галиев Алмаз - 2,3 нче, Гыйзетдинов Данил 3 нче урыннарны яуладылар. 

Гимназия-интернатның "Ак нур" төркеме XIII Республикакүләм Рөстәм Бикмуллин исемендәге җыр һәм шигърият яшьләр фестивалендә "Иң оста коллектив-башкаручы" номинациясендә 2 нче дәрәҗә диплом белән бүләкләнде.