16 нчы март көнне Г.Тукай исемендәге шигырь укучылар республикакүләм бәйгесенең район этабы үткәрелде. Конкурс нәтиҗәләре буенча 9-11 нче сыйный укучылары арасында Шәймухаметова Айзилә (җитәкчеләре Хафизова А.М. һәм Аграпова М.Р.) 1 нче урынны, Салахова Айсинә (җитәкчесе Әһлетдинова Л.Ф.) 2 нче урынны яуладылар. Котлыйбыз!

"Живая классика" Бөтенроссия шигырь укучылар конкурсының район этабында Сәмигулова Эльвина (укытучысы Нурыева И.А.) - җиңүче, Солтанова Лина (укытучысы Саматова Г.Д.), Мухаметдинова Лиана (укытучысы Шагзамова Э.Ф.) һәм Шарипянова Язилә (укытучысы Саматова Г.Д.) лауреат исемен яуладылар. Котлыйбыз!

24 нче март – туберкулезга каршы көрәш көне. Шул уңайдан бу авыру турында гимназиябез шәфкать туташы Ләйлә Әдип кызы укучылар һәм ата-аналар каршында чыгыш ясады. 18 яшькә кадәр балаларга ел саен  БЦЖ  прививкасы ясату мөһимлеген искртеп узды.

Кичә узган районкүләм шахмат беренчелегендә гимназия-интернат командасы 3 нче урынны яулады.

Районкүләм "Математик регата" конкурсында гимназия-интернатның 2 нче командасы (Фәхерлегаянов Рөстәм, Хәйдәров Шамил, Галләмова Эльвина) 1 нче урынны, 1 нче команда (Нуруллин Нияз, Исламова Алия, Хөҗҗәтова Сөмбелә) 2 нче урынны яуладылар (укытучылары Фәрдиева Р.Р. һәм Бакиров Р.Ф.). Котлыйбыз!

Рус телендә диктант язу буенча районкүләм конкурс нәтиҗәләре буенча 6 нчы сыйныф укучысы Имамов Гадел җиңүче (укытучысы Әюпова Л.Р.), Хәйбиев Әмир призер (укытучысы Шагзамова Э.Ф.) булдылар.

Кичә гимназия-интернат базасында 4-6 сыйныф укучылары өчен "Без яшь, без сәләтле..." республикакүләм интеллектуаль олимпиада үтте.

Татарстан тарихы буенча Республика олимпиадасының җиңүчесе, гуманитар гимназия-интернатның 8 сыйныф укучысы Хәйдәров Шамилне һәм аның укытучысы Гыйлметдинов Марат Илсур улын чын күңелдән котлыйбыз!

3 нче мартта VII-VIII класслар “Көчсез буын” уенында көч сынашты. Нәтиҗәдә, VIII А классы укучысы Алсу Рәшитова иң көчле уенчы булып танылды. Соңыннан уенда катнашучылар тәмле торт белән чәй эчтеләр. (Укытучылары - Ләйсән Әминова, Ландыш Әһлетдинова).
Алдагы атнада шушы классларда Тукай иҗаты буенча викторина үткәреләчәк. Укучыларга уңышлар теләп калабыз.

Халыкара Туган тел декадасы уңаеннан 1 нче мартта V,VI А класс укучылары арасында “Тукайны беләсеңме?” дип исемләнгән “Тамчы-шоу” уены үткәрелде. Аз гына өстенлек белән, V  класс укучылары җиңү яулады. Һәр ике команданың да зур әзерлеге күренде. Команда капитаннары Ләйсән Сәлахова һәм Нәфисә Вәлиевалар өй эшләрен әзерләүгә зур игътибар биргәннәр. Афәрин, кызлар!
Бәйрәмне алып баручы Айсинә Сәлахова, Әдилә Вилданова һәм бәйрәмне оештыручы татар теле укытучылары Ләйсән Әминова, Ландыш Әһлетдиновага рәхмәтебезне белдерәбез.