28 май көнне 5 класс ата-аналары балаларына күңелле бәйрәм – Сабантуй үткәрделәр. Милли бәйрәмдә уйнала торган бар төр ярышларда да укучылар бик теләп катнаштылар. Ахырда җиңүчеләр бүләкләнделәр.

Бүген "Бүләк" ял-сәламәтләндерү лагерендә 1 нче смена эшен башлады. Ул 1 нче июньнән 21 нче июньгә кадәр дәвам итәчәк. Ял итүче балалар арасында гимназия-интернат укучыларыннан тыш, Башкортостан һәм Удмурт республикаларыннан, Курган, Чиләбе өлкәләреннән дә укучылар бар.

Бүген гимназия-интернатның 9 сыйныф укучылары җәмгыять белеме, информатика һәм рус әдәбиятыннан беренче төп дәүләт имтиханнарын тапшыралар. 

Бүген гимназия-интернатның 18 чыгарылыш укучысы өчен соңгы кыңгырау яңгырады. Укучыларны Актаныш муниципаль районы Башкарма комитеты җитәкчесе Илнар Фаттахов, гимназия-интернат директоры Артур Галиәхмәтов, сыйныф җитәкчеләре Ләйсән Әюпова, Ирина Нурыева, укытучылар һәм ата-аналар котладылар. Һәр елдагыча фән олимпидаларында, спорт ярышларында, сәнгать конкурсларында катнашып килгән укучылар Мактау Грамоталары, дипломнар белән бүләкләнделәр. "Ел укучылары" булып Закирҗанова Фирүзә һәм Вафина Эльмира аталдылар. 

Бүген гимназия-интернатта "Татмедиа" агентлыгы генераль директоры урынбасары Сөмбел Таишева җитәкчелегендә бер төркем язучылар, журналистлар белән очрашу үтте. Кунаклар арасында Вахит Имамов, Ләбиб Лерон, Йолдыз Миңнуллина һ.б. бар иде.

23 - 27 нче май көннәрендә 10 сыйныф егетләре хәрби җыеннарда катнашачак. Гимназия-интернаттан җыеннарда 8 егет катнаша. Җитәкчеләре итеп ТИН укытучысы Сибгатуллин Р.Т. билгеләнде.

«Гимназия-интернат укучылары “Тылсым” мәктәп - балалар бакчасы белән берлектә, “Мәрхәмәтле яз - 2016” акциясе кысаларында бакча балалары һәм укучылары белән кичәләр уздырдылар. “Мәрхәмәтле яз - 2016” исеме астында иншалар бәйгесе үткәрелде.»

Гимназия-интернатта уку елы дәвамында технология дәресләрендә эшләнгән кул эшләренә "Оста куллар" бәйгесе игълан ителде. Нәтиҗәләр киләсе атнага билгеле булачак. Бәйгене оештыручы - Гарипова Р.И.

15 нче май - Халыкара гаилә, мәхәббәт, тугрылык көне. Гимназия-интернатта бәйрәм уңаеннан шәҗәрәләр ясау бәйгесе игълан ителгән иде. Укучылар тарафыннан бик күп эшләр тапшырылды. Бәйге нәтиҗәләре түбәндәгечә:

1 урын - Фәрдиева Алисә (6А сыйныфы),

2 урын - Маннапова Альбина (6Б сыйныфы),

2 урын - Хаҗиева Таңсылу  (5Б сыйныфы),

3 урын - Галләмова  Эльвина  (7Б сыйныфы),

3 урын - Исхаков Сәйдәш  (5Б сыйныфы).

Номинацияләрдә җиңүчеләр:

“Иң зәвыклы нәсел агачы”  - Вәлиев Данияр (5А сыйныфы) һәм Миргаязова Резеда (9А сыйныфы),

“Иң оригиналь шәҗәрә” – Хәйбиев Әмир (6Б сыйныфы),

“Иң тирәнтен өйрәнелгән шәҗәрә” – Дәүләтов Фаил (6А сыйныфы),

“Иң актив сыйныф” – 5А һәм 5Б сыйныфлары,

“Иң бердәм сыйныф” – 6Б һәм 7Б сыйныфлары.

Үткән атнада гимназия-интернатта гарәп каллиграфиясе бәйгесе үтте. Бәйге нәтиҗәләре түбәндәгечә:
"Иң зәвыклы эш" номинациясендә Миниярова Элина (11А сыйныфы), "Иң актив укучы" номинациясендә Гыймазова Рушания (5Б сыйныфы), "Иң оригиналь эш" номинациясендә Фазаелова Сөмбел (5Б сыйныфы) җиңүче дип табылдылар.