Татарстан Республикасы Премьер-министры урынбасары - мәгариф һәм фән министры Энгель Фәттахов #подпиширодителей и #подпишиблизких республикакүләм акция кысаларында гимназия-интернат укучыларына "Ялкын", Салават күпере", "Сабантуй" газета-журналларына язылу бүләк итте. Гимназия-интернат коллективы Энгель Нәвап улына чиксез рәхмәтен җиткерә.

3-6 июньдә Казанда  туган теле рус булмаган мәктәп укучылары арасында рус теле буенча III халыкара олимпиада узды. Анда Россия Федерациясе һәм БДБ субъектларында яшәүче быел 8нче һәм 10нчы сыйныфларны тәмәмлаган укучылар катнашты. Рус теле буенча халыкара олимпиада 2 турда үткәрелде. Беренче тур – сайлап алу, ул онлайн тест эшләү режимында уздырылды. Бәйгенең бу өлешендә 3,5 меңләп укучы катнашты. Шулардан 200ләбе сынауны Казанда уздырыла торган йомгаклау өлешендә дәвам итте.
Гимназия-интернат укучылары олимпиадада уңышлы чыгыш ясап кайттылар. Шагзамова Алисә (8 класс), Вафина Альмира (10 класс), Вильданова Адилә (10 класс) призер исемен яуладылар. Кызларны һәм аларның укытучылары Энҗе Фирдәвес кызы Шагзамованы чын күңелдән җиңүләре белән котлыйбыз.

Кичә Татарстан Республикасы Премьер-министры урынбасары - мәгариф һәм фән министры Энгель Фәттахов, Актаныш муниципаль районы башлыгы Фаил Камаев катнашында "Бүләк" ял-сәламәтләндерү лагеренең 1 нче сменасын ачу тантанасы үтте.

28 май көнне 5 класс ата-аналары балаларына күңелле бәйрәм – Сабантуй үткәрделәр. Милли бәйрәмдә уйнала торган бар төр ярышларда да укучылар бик теләп катнаштылар. Ахырда җиңүчеләр бүләкләнделәр.

Бүген "Бүләк" ял-сәламәтләндерү лагерендә 1 нче смена эшен башлады. Ул 1 нче июньнән 21 нче июньгә кадәр дәвам итәчәк. Ял итүче балалар арасында гимназия-интернат укучыларыннан тыш, Башкортостан һәм Удмурт республикаларыннан, Курган, Чиләбе өлкәләреннән дә укучылар бар.

Бүген гимназия-интернатның 9 сыйныф укучылары җәмгыять белеме, информатика һәм рус әдәбиятыннан беренче төп дәүләт имтиханнарын тапшыралар. 

Бүген гимназия-интернатның 18 чыгарылыш укучысы өчен соңгы кыңгырау яңгырады. Укучыларны Актаныш муниципаль районы Башкарма комитеты җитәкчесе Илнар Фаттахов, гимназия-интернат директоры Артур Галиәхмәтов, сыйныф җитәкчеләре Ләйсән Әюпова, Ирина Нурыева, укытучылар һәм ата-аналар котладылар. Һәр елдагыча фән олимпидаларында, спорт ярышларында, сәнгать конкурсларында катнашып килгән укучылар Мактау Грамоталары, дипломнар белән бүләкләнделәр. "Ел укучылары" булып Закирҗанова Фирүзә һәм Вафина Эльмира аталдылар. 

Бүген гимназия-интернатта "Татмедиа" агентлыгы генераль директоры урынбасары Сөмбел Таишева җитәкчелегендә бер төркем язучылар, журналистлар белән очрашу үтте. Кунаклар арасында Вахит Имамов, Ләбиб Лерон, Йолдыз Миңнуллина һ.б. бар иде.

23 - 27 нче май көннәрендә 10 сыйныф егетләре хәрби җыеннарда катнашачак. Гимназия-интернаттан җыеннарда 8 егет катнаша. Җитәкчеләре итеп ТИН укытучысы Сибгатуллин Р.Т. билгеләнде.

«Гимназия-интернат укучылары “Тылсым” мәктәп - балалар бакчасы белән берлектә, “Мәрхәмәтле яз - 2016” акциясе кысаларында бакча балалары һәм укучылары белән кичәләр уздырдылар. “Мәрхәмәтле яз - 2016” исеме астында иншалар бәйгесе үткәрелде.»