Кичә гимназия-интернатта 5-11 нче сыйныфларда ата-аналар җыелышлары үтте. Шулай ук 2016 нче елда укучыларны кабул итүгә, 9,11 нче сыйныфлардагы дәүләт йомгаклау аттестациясенә багышланган гомуми җыелыш та үткәрелде.

Кичә гуманитар гимназия-интернат директоры Артур Кәрим улы Галиәхмәтов Татарстан Республикасы Мәгариф һәм фән министрлыгы җитәкчеле каршында 2015 нче елга ачык хисап тотты. Чарада министрның урынбасары Мөхәммәтов Илдар Ринат улы, гомуми белем бирү идарәсе мөдире Федорова Тамара Трофим кызы, милли мәгариф идарәсенең регионара хезмәттәшлек бүлегенең әйдәп баручы киңәшчесе Мусина Гөлия Фәргать кызы, Казан педагогика колледжы директоры урынбасары Рамазанова Гүзәл Илшат кызы, Актаныш районы мәгариф идарәсе җитәкчесе Нурлыева Ләйсән Фоат кызы, идарә җитәкчесенең укыту-методика буенча урынбасары Имамова Роза Әсхәт кызы һәм мәктәп җитәкчелеге катнаштылар.

28 нче март көнне гимназия-интернатның яшь инспекторлар отряды ЮХИДИ идарәсенең юл хәрәкәте иминлеге фонды җитәкчесе Рәсимә Сәетова белән берлектә юл хәрәкәте иминлеге буенча акция уздырдылар. Бу акция кысаларында укучыларыбыз Актаныш урамнарында җәяүлеләргә һәм машина йөртүчеләргә юл йөрү кагыйдәләре тупланган буклетлар тараттылар.

Математика фәненнән профиль бердәм дәүләт имтиханына әзерлек кысаларында 26-27 нче март көннәрендә гимназия-интернатта 11 нче сыйныф укучылары өчен математика буенча республика аттестацион комиссия җитәкчесе, техник фәннәр кандидаты Рөстәм Фәхретдин улы Ахвердиев дәресләр үткәрде. Ике көннек курсларда имтиханның икенче өлешендәге мәсьәләләрнең яңа алынмалары каралды.

25 нче март көнне Чаллы шәһәрендә узган “МедиаПокорение” VII Бөтенроссия балалар һәм яшьләрнең массакүләм мәгълүмат чаралары фестивалендә гимназия-интернатта чыгып килүче   “Ак җилкән” газетасы мактаулы 1 нче урынны яулады. Ә гимназия-интернатның “Җиһан” студиясенең тапшырулары “Татар телендәге иң яхшы телетапшыру” исеменә лаек дип табылды.

16 нчы март көнне Г.Тукай исемендәге шигырь укучылар республикакүләм бәйгесенең район этабы үткәрелде. Конкурс нәтиҗәләре буенча 9-11 нче сыйный укучылары арасында Шәймухаметова Айзилә (җитәкчеләре Хафизова А.М. һәм Аграпова М.Р.) 1 нче урынны, Салахова Айсинә (җитәкчесе Әһлетдинова Л.Ф.) 2 нче урынны яуладылар. Котлыйбыз!

"Живая классика" Бөтенроссия шигырь укучылар конкурсының район этабында Сәмигулова Эльвина (укытучысы Нурыева И.А.) - җиңүче, Солтанова Лина (укытучысы Саматова Г.Д.), Мухаметдинова Лиана (укытучысы Шагзамова Э.Ф.) һәм Шарипянова Язилә (укытучысы Саматова Г.Д.) лауреат исемен яуладылар. Котлыйбыз!

24 нче март – туберкулезга каршы көрәш көне. Шул уңайдан бу авыру турында гимназиябез шәфкать туташы Ләйлә Әдип кызы укучылар һәм ата-аналар каршында чыгыш ясады. 18 яшькә кадәр балаларга ел саен  БЦЖ  прививкасы ясату мөһимлеген искртеп узды.

Кичә узган районкүләм шахмат беренчелегендә гимназия-интернат командасы 3 нче урынны яулады.

Районкүләм "Математик регата" конкурсында гимназия-интернатның 2 нче командасы (Фәхерлегаянов Рөстәм, Хәйдәров Шамил, Галләмова Эльвина) 1 нче урынны, 1 нче команда (Нуруллин Нияз, Исламова Алия, Хөҗҗәтова Сөмбелә) 2 нче урынны яуладылар (укытучылары Фәрдиева Р.Р. һәм Бакиров Р.Ф.). Котлыйбыз!