"Саубуллашыр вакыт җитте менә,

Дәреслегем, язу дәфтәрем,

Парталарым, класс бүлмәләрем,

Укытучым, сөйгән мәктәбем.

Кире кайтмас өчен үтте инде

Балачагым, үсмер елларым,

Беренчедән унберенчегә хәтле

Үткәрдек күк бер ел нибары", - дип саубуллаштылар бүген 11 нче сыйныф укучылары Халиуллин Рәнис, Нургалиев Фәнзил, Шаехов Нурдил, Шарафиева Әдилә, Шарифуллина Зилә. Бүген алар өчен мәктәптә соңгы кыңгырау яңгырады.

Без укучыларыбызга хәерле, матур юллар, киләчәк тормышларында зур уңышлар гына теләп калабыз. Ак юл сезгә, кадерле укучыларыбыз!

Агымдагы уку елында укучыларыбыз фән олимпиадаларының район турында 10 призлы урын яуладылар. 1 нче урын ияләре 7 нче сыйныф укучысы Загриев Фоат (география) һәм 9 нчы сыйныф укучысы Шакиров Илһам (геология) ;районда үткәрелгән олимпиадада ; җиңүчеләрне тәбрикләү тантанасында катнаштылар. Барлык призлы урын алучы укучылар атналык линейкада тәбрикләнделәр.

   Призлы урын алучы укучыларга һәм аларның укытучыларына зур рәхмәт белдерәбез! Киләчәктә тагын да зуррак уңышларга ирешүләрен телибез.

Бүген Саба гимназиясендә башлангыч сыйныф укучылары арасында "Фән дөньясына беренче адым" дип исемләнгән проект эшләре конкурсы булды. " Табигать күренешләре" номинациясендә 4 нче сыйныф укучысы Шакиров Әмир 2 нче урын яулады. Укытучысы - Маннанова Нәсимә Ринатовна. Афәрин! Җиңүегез белән котлыйбыз.

Ветераннар, ветераннар

Сезгә хөрмәт, ихтирамнар,

Сез булганда матур булып,

Алсу булып ата таңнар.

Сезгә тиеш әле бик күп язлар,

Май бәйрәмнәре алдыннан бүген мәктәп күләмендә өмә үткәрелде. Өмәдә барлык укучылар, укытучылар коллективы актив катнаштылар. Мәктәпнең тирә-ягы җыештырылды, карлыган куаклары аралары китмәнләнде. 

25 апрель - агач утырту көне уңаеннан, мәктәп территориясендә агач утырту өмәсе үткәрдек. Нарат, каен, миләш үсентеләре утыртылды.