Башлангыч  сыйныфлар атналыгы уңаеннан 1-4 нче сыйныф укучылары өчен "Күңелле стартлар" үткәрелде. Укучылар "Титан" һәм "Кристалл" командаларына бүленеп , җитезлектә, төгәллектә, тизлектә сыналдылар. Ярышларны  башлангыч сыйныфлар укытучысы Гарифуллина Д.Г. оештырды. Нәтиҗәдә дуслык җиңде. 

Мәктәбебездә башлангыч сыйныфлар атналыгы башланып китте. Шул уңайдан, беренче сыйныфта Маннанова Н.Р. математика фәненнән "Санлы кисемтә" темасына ачык дәрес үткәрде.   Шулай ук башлангыч сыйныф укучыларының кул эшләреннән күргәзмә оештырылды.

6 нчы сыйныф укучысы Шафигуллин Шамил, 8 нче сыйныф укучылары Галиев Рәдиф, Гибадуллин Минзаһит "Саба таңнары" газетасының 85 еллыгы уңаеннан үткәрелгән иҗади бәйгедә актив катнашкан өчен "Татмедиа" акционерлык җәмгыятенең "Саба таңнары" газетасы редакциясе Грамотасы белән бүләкләнделәр. Җитәкчеләре - өстәмә белем бирү педагогы Имамиев И.И.  Егетләрне котлыйбыз һәм иҗади уңышлар телибез! 

16 нчы ноябрь - Халыкара толерантлык көне буларак билгеле. Шул уңайдан , 19 нчы ноябрь көнне 1-11 нче сыйныфларда  "Нәрсә ул толерантлык?" темасына  тәрбия дәресләре  уздырылды.  Дәреснең максаты  - толерантлык төшенчәсен аңлату һәм толерант шәхес тәрбияләү иде.  Дәреснең  темасын ачарга эчтәлекле презентацияләр  дә ярдәм итте. Укучылар һәр кешегә үзенең гореф-гадәтләре ,үзенең җырлары ,милли биюләре,атаклы кешеләре булган милләт вәкиле, аерым шәхес итеп карарга кирәклеген төшенделәр.