Җәйнең иң матур, иң гөрләп торган урыны — елга буе. Комның аякларны пешерә торган кызулыгын да сизмичә, балалар яр буйлап йөгерәләр, уйныйлар, кызыналар.

Ничек инде менә шундый гүзәл мизгелләргә бай чәчәкле, җиләкле җәйне яратмыйсың  ди!

Бүген  лагерьга йөрүчеләр Каенлыкка экскурсиягә бардылар. Чәчәкләр җыеп, тәкыялар үреп, уеннар уйнап, җәйге табигатькә сокланып, рәхәтләнеп ял итеп кайттылар. 

12 июнь - Россия суверенитеты көне.

Шул уңайдан бүген "Россия - күп милләтле дәүләт" дип исемләнгән мероприятие үткәрелде. Россия гимны, гербы, флагы турында сөйләштек.

Иртәнге аштан соң, география  укытучысы Шафигуллина Ә.Г. белән бергәләп, "География иле"нә сәяхәт кылдык.

Саф һавада хәрәкәтле уеннар уйнадык.

Төшке аштан соң , авылыбыз табигатенә сокланып , экскурсиягә бардык.

Туган авылым - тау куенында

Борма инеш буенда.

Кайларга гына барсам да,

Һаман минем уемда.

Хәтфә таулар, зифа таллар,

Җиләкле үзәннәрең...

Синдә генә сихри моңы

Тылсымлы чишмәләрнең.

Бүген лагерьны ачу тантанасы булды. Укучылар үзләренең матур җырларын, биюләрен, шигырьләрен башкардылар, скетчлар уйнадылар.Һәркем үзенең осталыгын күрсәтте. Кызыклы уеннарга да бай булды әлеге чара.

Бүген мәктәбебезнең 20 укучысы өчен “Кояшкай” мәктәп яны ял һәм сәламәтләндерү лагере үзенең ишекләрен ачты. Укучылар лагерьдагы  тәртип кагыйдәләре белән таныштылар. 1 июнь  - Балаларны яклау көне уңаеннан асфальтка рәсем ясау конкурсында катнаштылар.