"Беләге юан берне егар, белеме юан меңне егар", - ди халык мәкале һәм дөрес әйтә. Белеме булган  кеше бервакытта да,беркайда да югалып калмас. Фән олимпиадаларының район туры тәмам. Татар теле һәм әдәбияты фәннәреннән укучыларыбыз тагын 3 призлы урын яуладылар:  6 нчы сыйныф укучысы Муллаянова Алсу татар теленнән 3 нче урын, 9 нчы сыйныф укучысы Шайхлиева алия, татар әдәбиятыннан 3 нче урын, 10 нчы сыйныф укучысы Гибадуллина Инзилә татар әдәбиятыннан 2 нче урын. Молодцы, кызлар! Укытучылары - Муллаянова Т.Т., Нургалиева Г.М. 

Бүген мәктәбебездә - физика укытучыларының район семинары булып узды . Семинар "Физика дәресләрендә активлаштыру методларын кулллану" дигән тема астында үтте. Физика укытучысы Гарифуллин Рафис Нәкыйп улы 9 нчы сыйныфта   "Математик маятник " дигән темага ачык дәрес,  Сабирҗанова Финә Мәгъруф кызы 8 нче сыйныфта "Яктылык безнең тормышта " темасына класстан тыш чара үткәрде. Семинар киңәшмә өлеше белән тәмамланды.  

Укучыларыбыз фән олимпиадаларының район турында яңа үрләр яулауларын дәвам итәләр. 11 нче сыйныф укучысы Садикова Зилә биология фәненнән I урын, 8 нче сыйныф укучысы Загриев Фоат  географиядән III  урын, технология фәне буенча  II урыннарны яуладылар. Афәрин!!! Укытучылары - Халиуллина Р.Р., Шафигуллина Ә.Г., Имамиев И.И. 

Бөтенроссия күләмендә 4 – 13 декабрь көннәрендә гадәти булмаган информатика дәресләре “Час Кода – 2015” акциясе үтә. Безнең мәктәп укучылары да  МТ специалистлары турында мәгълүмат алдылар. Видеоматериаллар карадылар. Информатика укытучысы Сабирзянова Ф.М. җитәкчелендәге “Час Кода” акциясендә катнашып, программа нигезләренә өйрәтүче уеннар белән таныштылар. Укучыларга профессия сайлау юнәлеше дә бирелде. Уеннарда актив катнашып, укучылар сертификатлар алдылар.

Мәктәбебездә инвалидлар ункөнлеге уңаеннан чаралар дәвам итә. Бүген укучылар педагог-оештыручы Миннуллина Наилә Наилевна һәм өстәмә белем бирү педагогы Имамиев Ильмир Илфатович  җитәкчелегендә Кызыл Мишәдә урнашкан коррекцион мәктәпкә бардылар. Анда укучыларга эчтәлекле концерт күрсәттеләр, күмәк биюләр оештырдылар, истәлекле бүләкләр тапшырдылар.

Югары Симет авыл җирлеге участок вәкаләтлесе Гатин Марат Мурсалимович укучылар һәм укытучылар коллективы каршында тагын бер кат террор куркынычсызлыгы турында аңлатып чыгыш ясады. Шулай ук укучыларга ТР 71 нче законны искә төшереп  , 22.00 сәг.тән соң җәмәгать урыннарында йөрмәскә кирәклеген искәртте.