Өлкәннәр!.. Олы кешеләр!.. Күпме мәгънә табып була бу сүзләрдән. Элек-электән үк олы кешеләр тормышның, яшәешнең нигезен  тәшкил иткәннәр: намуслы балалар үстерү, аларның бәхете өчен көрәшү, туган илне дошманнардан азат итү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

     1 октябрь  - Өлкәннәр көне. Шул уңайдан бүген мәктәбебездә төрле елларда эшләп лаеклы ялга чыккан апа-абыйлар өчен бәйрәм кичәсе үткәрелде. Өлкәннәребез өчен укучылар көче белән бәйрәм конерты, чәй табыны әзерләнде. Хөрмәтле ветераннарыбыз үзләренең хис-кичерешләре белән уртаклаштылар, хәзерге укучыларның җылы, якты, мөлаем укытучыларының кадерен белеп ныклы белем алуларын  теләделәр.

Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.

Корбан бәйрәмендә бөтен дөньяда миллионлаган мөэмин-мөселман хаҗ кыла һәм корбан чала, шул рәвешле өммәтебезгә насыйп иткән игелекләре өчен Аллаһы Тәгаләгә чиксез рәхмәтләрен күндерә.

         Корбан бәйрәме – рухи чистарыну һәм шәфәгать кылу вакыты. Пәйгамбәребез (с.г.в.) хәдисендә әйтелгәнчә, «су утны сүндергән кебек, гөнаһларны сүндерүче – сәдакадыр».

        Гомер юлында һәркем Раббыбызга үзен ярлыкавын, эш-гамәлләребезне уң итүен, күңелләребезгә иман нуры, рух ныклыгы, илебез-көнебезгә тынычлык, гаиләләребезгә иминлек иңдерүен сорап, кат-кат мөрәҗәгать итә. Яхшылыкка омтылу, явызлык кылган өчен җәза биреләчәгенә ышану Корбан бәйрәменең бөек гуманистик асылы булып тора.

      Бүген мәктәп ашханәсендә укучыларга Корбан ашы әзерләнде. Авылыбызның абыстае Раушания апа укучыларга Корбан гаете турында мәгълүмат җиткерде, туган һәр көнгә рәхмәтле булырга чакырды,  изге теләкләр җиткерде.

       Корбан гаете мөбарәк булсын, һәммәбезгә көч-егәр, рух күтәренкелеге өстәсен, лаеклы эшләргә җилкендерсен, якты өметләр һәм җан тынычлыгы насыйп итсен, илаһи нур күңелләребезне һәм йөзләребезне балкытсын!

Бүген мәктәп стадионында Милләтләр кроссы үткәрелде. Кросста барлык укучылар һәм укытучылар коллективы актив катнаштылар.

Мәктәбебез укытучылары мәгариф хезмәткәрләре арасында үткәрелгән Спартакиадада актив катнаштылар. Шафигуллина Әнисә Габделхәмитовна кул көрәшендә 1 нче урын,  команда аркан тартышуда 3 нче урынны яулады. Афәрин! Котлыйбыз! Киләчәк ярышларда да уңышлар телибез.

Чишмәләр иле син, Туган як!

Еракка китмәгез, су сорап.

Бу җирдә таулардан көй алып,

Чишмәләр яшиләр чылтырап.

"Яшә, чәшмә!" акциясе кысаларында 3-4, 6-7 нче сыйныф укучылары,  класс җитәкчеләре һәм педагог-оештыручы Наилә Наилевна җитәкчелегендә авылыбыз чишмәләренә барып, чүп-чардан арындырдылар. Тәмле суларыннанда авыз иттеләр. Авылыбызның бизәге булган чишмәләрне беркайчан да онытмыйк!

"Экстремизмга - Юк!"  айлыгы кысаларында һәм гадәттән тыш хәлләргә әзерлек максатыннан, бүген мәктәптә эвакуация эшләп карау үткәрелде. Барлык укучылар һәм укытучылар, техник хезмәткәрләр тиешле вакытта мәктәптән чыгып беттеләр. Берничә  укучының повязкалары юклыгы ачыкланды. Тиз арада хаталарын төзәтеп бетерерләр дигән ышанычта калабыз.

 Мәктәбебездә түгәрәкләр үз эшчәнлекләрен 2сентябрьдән башлап җибәрделәр. Барлык укучылар да үзләре теләгән түгәрәкләрдә шөгыльләнәчәкләр. 2015-2016 нчы уку елында түбәндәге өстәмә белем бирү берләшмәләре эшләячәк:

Оста куллар (кызлар). Җитәкчесе: Гатауллина З.Р.

Судомоделирование. Җитәкчесе: Имамиев И.И.

Вокал. Җитәкчесе: Имамиев И.И.

Драма. «Хыял» Җитәкчесе: Гатауллина З.Р.

Драма. «Нур» Җитәкчесе: Гатауллина З.Р.

Бадминтон. Җитәкчесе: Шакиров Р.Ш.

Волейбол. Җитәкчесе: Шакиров Р.Ш.

Көрәш. Җитәкчесе: Закиров Д.Р.

5-7 нче класс малайлары Судомоделирование түгәрәген бигрәк тә үз итәләр.

Шулай ук өстәмә эш вакытларында 9-11 нче сыйныф укучылары имтиханнарга әзерләнәчәкләр.

Әлеге исем астында мәктәбебездә рәсем конкурсы үткәрелде. Җиңүче укучыларның эшләре Балалар иҗат үзәге тарафыннан үткәрелүче район конкурсына җибәрелде. Алар: 6 нчы сыйныф укучысы Шафигуллин Шамил, 8 нче сыйныф укучылары Тимерова Айсылу һәм Загриева Нәркиз. Уңышлар телибез!  

Бүген барлык классларда тәрбия дәресе вакытында "Экстремизмга - Юк!" темасына бердәм республика дәресләре үткәрелде. дәресләрнең төп максаты - милләтара татулыкны ныгыту, террорлык һәм экстремизм чагылышларына юл куймау.