Мәктәбебездә "Туган якны өйрәнү "музее эшли.Музей җитәкчесе Марданова С.Х. һәм 10нчы сыйныф укучылары музейдагы экспонатларны яңарту эшләре,сугыш ветераннары турында материаллар җыйнау белән шөгыльләнәләр.

Владимир Путин шул хактагы Указга кул куйды

 (Казан, 16 июнь, “Татар-информ”). “ИТАР-ТАСС” агентлыгы хәбәр иткәнчә, 2015 нче ел Россиядә Әдәбият елы буларак үткәреләчәк. РФ Президенты Владимир Путин шул хактагы Указга кул куйды.

Матбугат һәм массакүләм коммуникацияләр федераль агентлыгы җитәкчесе Михаил Сеславинский белдергәнчә, киләсе елда әдәбиятка багышланган зур күләмле чаралар, шул исәптән “Әдәби Евразия” дә, үткәреләчәк. Мондый чаралар арасында “Россиянең әдәби картасы”, “Библиотөн-2015”, “Хастаханәләрдә китаплар”, “Китап белән җәй”, “Бөтендөнья китаплар көне” проектлары, “Россиянең әдәби башкаласы” конкурсы оештырлачак.“Бу чаралар барысы да россиялеләрне укуга җәлеп итәр дип ышанасы килә”, - диде агентлык җитәкчесе.

Әдәбият елы уңаеннан федераль дәрәҗәдә уздырылачак проектларга барлыгы 300 миллион сум күләмендә акча бүлеп бирелгән.

Бүген 8нче сыйныф укучылары үзләре ярдәм итүче Сара апага, Мөхәммәт абыйга шефлык итәргә бардылар. Алар бердәм көч белән ишек алдын,капка төпләрен көрәделәр.Сара апа да,Мөхәммәт абый да балаларның эшләреннән канәгать калдылар.

Татарстан Республикасы Президентының 04.09.2014 №УП-837 Указы җәмәгатьчелек игътибарын территорияләрне комплекслы үстерү, төзекләндерү һәм яшелләндерүгә, халык өчен уңайлыклы шартлар тудыруга юнәлтүне күздә тота.

Бүген бадминтон түгәрәгенә йөрүче укучылар Лесхоздагы Урман музеена  сәяхәткә бардылар. Укучылар музейдагы экспонатларны карап  хозурланып кайттылар.

Бүген 6,8,9 нчы сыйныф укучылары "Сабантуй" комплексына экскурсиягә барып, чын күңелдән ял итеп кайттылар.Биредә аларга бик ошады.

Бүген 6,7 нче сыйныф укучылары "Нарат" боз сараенда тимераякта шуып, чын күңелдән ял итеп кайттылар.Каникул -каникул инде ул!

Бүген мини-футбол түгәрәгенә йөрүче 2000-2001 елгы малайлар командасы Шәмәрдәндә үтүче футбол ярышына киттеләр.Уңышлар сезгә!

Бүген хезмәттәшебез Сәкинә Латиповнаның гомер бәйрәме.Сәкинә Латиповна! Сезне чын күңелебездән туган көнегез,олы юбилеегыз белән тәбрик итәбез!Сезгә ныклы сәламәтлек,озын гомер,балаларыгызның,оныкларыгызның игелеген күреп, тигезлектә яшәргә язсын!

Хөрмәтле хезмәттәшләр! Сезне чын күңелдән Яңа 2015 нче ел белән тәбрик итәбез! Сезгә ныклы сәламәтлек,эшегездә зурдан-зур уңышлар,гаиләгездә иминлек,тигезлек телибез!

Яңа еллар килсен бәхет алып,

Яңа еллар килсен елмаеп.

Күңелегездә һәрчак шатлык булсын,

Яшәмәгез, дуслар, моңаеп!