8 нче сыйныф укучылары Габделхакова Әдилә һәм Харисова Энҗеләр Казан шәһәрендә үткәрелгән татар теле һәм әдәбиятыннан үткәрелгән 3 нче Халыкара олимпиадада актив катнашып уңышлы чыгыш ясап кайттылар.Аларның хезмәтләре дипломга лаек булды.

Г.Тукайның 129 еллыгы уңаеннан, шигърият кичәсе мәктәп һәм мәдәният йорты белән берлектә үткәрелде.Кичәдә шигырь иҗат итүче укучылар чыгышы да тыңланды.Халисә Сибгатова һәм Мөхәмәтханова Гүзәлия Миннехан кызы чыгышыннан соң ,кичә “Туган тел”җырын бердәм башкару белән тәмамланды.

Бүген ,дәресләрдән соң мәктәбебез укучылары белән берлектә Бөек Җиңүнең 70 еллыгы уңаеннан, сугышта үлеп калган, хәбәрсез югалган авылдашларыбыз хөрмәтенә салынган һәйкәл - обелиск яныа агач утырту өмәсе оештырылды. Өмәдә укучылар актив катнашты. Һәйкәл -обелиск тирәсенә 70 төп агач утыртылды.

23 нче апрель көнне район күләмендә"Сәләтле балачак -өметле киләчәк" район балалар иҗаты фестиваленың декоратив-гамәли сәнгать конкурсы булып узды. Әлеге конкурста Гильманова А.Н. җитәкләгән "Оста куллар"түгәрәгенә йөрүче Габдрахманова Сөмбель “Мир в котором я живу”дип исемләнгән кул эше белән катнашты. Аның эше бик үзенчәлекле һәм матур килеп чыкты.

"Язгы шәфкат ьлелек  айлыгы"  дәвам итә. Бүгенге көн "Музейларда тарих эзләре" дип аталды. Тарих фәне укытучысы Марданова С.Х. 1-5 сыйныф укучылары өчен музей укулары үткәрде. Укучыларыбыз биредә кабат Бөек Ватан сугышы геройлары белән таныштылар, узләренең белем күнекмәләрен үстерделәр.

Бүген мәктәп китапханәсендә китапханәче Гильманова А.Н. Бөек Җиңүнең 70 еллыгына багышланган китап күргәзмәсе оештырды. Анда укучыларга авыр сугыш еллары турында сөйләнде, төрле-төрле әсәрләрдән өзекләр укылып аларга анализ ясалды.

Бүген укучыларның яратып укый торган  "Ялкын" журналы коллетивы бездә кунакта булып китте. Очрашу вакытында укучылар "Ялкын" журналының нәшер ителә башлау тарихы, журнал коллективы белән таныштылар. Иң кызыгы -укучылар өчен "Син беләсеңме?"-дигән ярыш - бәйге оештырылуы булды.Укучыларыбыз "Ялкын" журналистларының сорауларына тулы, дөрес җаваплар бирделәр. Ә "Ялкын" журналы хезмәткәрләре укучыларга "Ялкын " журналлары бүләк иттеләр.

2 нче сыйныф укучысы Моратниязова Айгөл, “Бәләкәч китапчык” конкурсында катнашып, үзенчәлекле эше өчен Грамота белән бүләкләнде. Җитәкчесе: Дәүләтова Г.Г.

21 нче арель көнне район күләмендә"Сәләтле балачак -өметле киләчәк" район балалар иҗаты фестиваль -конкурсы  булып узды. Әлеге конкурста  Аухадиева Н.А. җитәкләгән "Бәхетле балачак" бию коллективының кече төркеме - "Татар халык " һәм уртанчы төркемнәре  " Кытай" халык биюе белән катнашып чыгыш ясады. Уңышлар куанычлы- район күләмендә II һәм  III нче урыннар  яуланылды.   Молодцы, укучылар!!!

Бүген, 20 апрель көнне, мәктәп күләмендә әти -әниләр җыелышы булып үтте.Җыелышның көн тәртибе: 

1."Балаларга гаилә тәрбиясе бирүнең әһәмияте"- тәрбия эшләре буенча директор урынбасары Әхмәтшина Р.И. чыгышы.

2."Компьютер уеннарының балалар сәламәтлегенә зыяны" - Саба гимназиясе психологы Сафина Г.Р. чыгышы.

3."Суицид һәм аннан балаларны ничек сакларга?" - Бигәнәй авылы ФАП фельдшеры Исмагилова Э.С. чыгышы.

4."Яшүсмерләр арасында хокук бозуларны булдырмау " - Балигъ булмаган балалар белән эшләү бүлеге өлкән инспекторы Романова А.Г. чыгышы.

Җыелышка Сатыш авыл җирлеге башлыгы Галиев А.В. чакырылган иде.

Җыелышның икенче өлешендә әти -әниләр өчен "Аулак өй" күренеше тәкъдим ителде.Әлеге җыелыш файдалы һәм күңелле үтте.