7 февраль көнне "Россия чаңгы юллары -2015" массакүләм чара уңаеннан мәктәбебез укытучылары һәм укучылары әлеге чарада актив катнаштылар.Барлык катнашучыларга да сәламәтлек һәм зур уңышлар телибез.

Ш.З.Зиннуров исемендәге Сатыш урта гомуми белем  бирү мәктәбенең 7 сыйныф укучысы Гыйлметдинов Фагыйль үзе иҗат иткән шигырь белән  “Ак каләм” унынчы Бөтенроссия иҗат бәйгесендә катнашып 3 урынга лаек булды. Әфәрин, Фагыйль! Җитәкчесе: Д.Г.Гыйлметдинова.

Бүген мәктәбебездә “Алар даны мәңгелек” дип исемләнгән акция барышында китапханәче Гильманова А.Н. оештырган  “Ветераннарга багышланган видеофильм” каралды. Анда укучылар Сатыш авылыннан сугышка киткән тыл ветераннары турында бик күп мәгълүмат тыңладылар, аларны сакларга кирәклеге тагын бер кат ачыкланды.  

Рәсем укытучысы Гильманова А.Н. җитәкчелегендә 5 нче сыйныф укучысы Гильмиева Аниса “Болгар һәм Свияжск утравы” дип исемләнгән Республика күләм рәсем конкурсында аппликация номинациясендә үз эше белән катнашты. Алардан зур җиңүләр көтеп калабыз!

Бүген мәктәп күләмендә «Алар даны мәңгелек” дип исемләнгән акция башланып китте. Акция кысаларында  сугыш темасына язылган әсәрләрне иң күп укычы бала билгеләнәчәк,  сугыш һәм тыл ветераннарына багышланган видеофильм  карау,  ветераннарга котлау  открыткасы  ясау,  “Алар даны мәңгелек”дип исемләнгән  китап күргәзмәсе  оештыру каралган. Актив катнашуыгызны  көтеп калабыз.

Бүген мәктәбебездә акция планы нигезендә китапханәче Гильманова А.Н. “Алар даны мәңгелек” дип исемләнгән китап күргәзмәсе оештырыды. Күргәзмәдәге китапларга китапханәче Гильманова А.Н. кыскача анализ бирде.

Бүген Республика күләмендә үтүче "Урман янгыннан курка" рәсем конкурсының мәктәп турына нәтиҗә ясалып, уңышлы эшләр район этабына тәкъдим ителде. Укучылар үзләренең эшләрендә янгын китергән зыянны тасвирладылар. Янгыннан сак булыйк!

Февраль ае укучыларга хәрби-патриотик тәрбия бирү айлыгы итеп билгеләнде.Айлык барышында укучыларны төрле кызыклы ярыш-бәйгеләр,очрашулар көтә.Бүген ике рота арасында противогаз кию ярышы булып үтте.Бүгенге ярышта очколар саны тигез булды.Сынатмыйк,укучылар!

Бүген 5 нче сыйныфта үткән тәрбия сәгате "Кошларым - канатлы дусларым" дигән исем астында үтте. Сыйныф җитәкчесе Гыйлметдинова Д.Г. иң элек кышлаучы турында презентация күрсәтем, чыгыш ясады; аннары укучылар башкаруында кошлар турында шигырьләр тыңланылды, сорауларга җаваплар, табышмаклар чишелде. Тәрбия сәгате кызыклы һәм файдалы булды. 

“Ялкын” - урта һәм олы яшьтәге мәктәп балаларының иң яраткан журналы.Ул әледән-әле бәйгеләр оештыра.” “Ялкын”Питерга китерер!”бәйгесендә 6нчы сыйныф укучылары  бик теләп катнаштылар.

Укуда,хезмәттә,җәмәгать эшләрендә бу класс –иң активы.Иҗат итәргә яратулары  белән дә аерылып торалар.Класстагы 6 укучы да “Ялкын”журналына  язылды.Үзләренең классы турында шигъри формада эш җибәрделәр.Әлеге бәйгедә катнашкан 6 нчы сыйныфка һәм укытучы  Мөхәмәтханова Гүзәлия Миннехановнага рәхмәтебезне белдерәбез.Киләчәктә дә бәйгеләрдә катнашыгыз.Мәктәп еллары әнә шулай күңелле ул!

Мәктәбебезнең 7 сыйныф укучылары - Габдрахманова Сөмбел, Зарипов Ирек, Исмәгыйлова Азалия "Интернет челтәрендәге иминлек" конкурсына плакат ясадылар. Шулай ук Вәлиева Гөлия,Габдрахманова Сөмбел, Исмәгыйлова Азалия видеоролик эшләделәр. Биредә интернет челтәрендәге иминлек, бала өчен файдасы һәм зыяны, әти-әниләрнең аларга  куркынычсыз мөхит тудыруы турында сөйләнелә. Конкурста катнашучы укучыларга һәм аларның җитәкчесе Гыйльманова Айгөл Нәгыймулла кызына уңышлар телибез!