Елдагы традицияне саклап,быел да укытучылар авыл халкы өчен мәдәният йортында "Яңа ел-шоу" тамашасы күрсәттеләр.2сәгать барган тамашада укытучылар үзләре дә,килгән халык та рәхәтләнеп ял итте.Чын күңелдән көлү-шаяру, җыр-бию белән үрелеп барган тамашада укытучылар үзләренең чын артист булуларын быел да күрсәтә алдылар.ЯҢА ЕЛГА шушылай күтәренке рухта керде алар.Афәрин!

Бүген 1-7 нче сыйныф укучылары өчен Чыршы бәйрәме оештырылды. Бу бәйрәмне балалар гына түгел, әти-әниләр,әби-бабайлар да көтеп ала.Балаларның чыгышларын һәркем яратып карады Бигрәк тә 1 нче сыйныф укучылары сәхнәләштергән тамашаны яратып кабул иттеләр.Укучылар Кыш бабайның күчтәнәч-бүләкләрен,котлау открыткаларын алып шатландылар.

Бүген 8-11 нче сыйныф укучылары өчен "Серле Яңа ел киче" бәйрәм тамашасы булып үтте.Кичәдә укучылар үзләренең җыр-биюгә,нәфис сүзгә осталыкларын күрсәттеләр.Сәхнәләштерелгән тамашалар барышында укучылар тамашачыларны искиткеч сихри Яңа ел иленә алып бардылар.Тамаша һәркем күңеленә хуш килде.Кыш бабай уку алдынгыларын,олимпиада призерларын,төрле конкурсларда призлы урын яулаган укучыларга рәхмәт хатлары өләште.

"Начар гадәтләр урынына-мин спортны сайлыйм! акциясендә  укучыларыбыз бик теләп катнаштылар.5 нче сыйныф укучысы Зәйнетдинов И.үзенең ясаган буклеты(җитәкчесе Гильманова А.Н.)белән катнашып, район күләмендә 1 нче урынга лаек булды.Молодец, Ильсаф! 

"Хуш киләсең,Яңа ел!" темасына багышланган  рәсемнәр күргәзмәсенә бүген нәтиҗә ясалып, җиңүче укучылар билгеләнде.Барлыгы 34 укучы үзләренең эшләре белән катнашты.Рәхмәт,укучылар! 

Республика күләмендә үткәрелгән "Россия патриотлары үстерәбез!"конкурсында 6нчы сыйныф укучысы Галлямова Динә актив катнашып районда беренче урын яулады.20-21нче декабрь көннәрендә җитәкчесе Шарифуллина Р.Р.белән Казан шәһәрендә үз эшләрен яклап чыгыш ясап кайттылар.Динәнең эше Республика күләмендә 3нче урынга лаек булды.Молодец ,Динә!

Бүген 5 нче сыйныф укучылары рәсем дәресендә "Бәхет кошы"н ясап эшләрен тәмамладылар Әлеге эшне укучылар чын күңелләрен биреп эшләделәр."Бәхет кошы" аларга чын бәхет алып килде, үзләренең эшләреннән бик канәгать калдылар алар.  

Мәктәп күләмендә "Яңа елга- яңа уенчыклар!"конурсы игьлан ителгән иде.Әлеге конкурста укучылар бик теләп катнаштылар.Бүген бу конкурска нәтиҗә ясалып, җиңүче укучылар билгеләнде.Әлеге укучыларга Кыш бабай тарафыннан бүләкләр биреләчәк.

Укучылар,укытучылар,техник хезмәткәрләр көче белән кардан "Кызыл Калфак" әкияте геройлары ясалды.Сыннар янында үзеңне чын әкият дөньясында кебек хис итәсең! 10-11 нче сыйныф укучылары ясаган крокодил-тау да бик матур чыкты.Башлангыч сыйныф укучылары әлеге тауда рәхәтләнеп шуалар.