Безнең мәктәбебездә 20 нче апрельдан башлап 10 нчы майга кадәр "Ветеранга бүләк" дип исемләнгән конкурс игълан ителде. Бу конкурска картоннан, кыягаздан эшләнгән кул эшләре кабул ителәчәк.  5 нче һәм 6 нчы сыйныф укучылары бу конкурска бик җитди карап төрледән-төрле кул эшләре эшли башладылар, аларга бу эшләрендә укытучылары Гыйльманова Айгөл апалары ярдәм итте. 

Мәктәптә Бөек Җиңүнең 70 еллыгын каршылау зур оешканлык белән барды.Укучылар Бөек Ватан сугышында катнашкан ветераннарыбызның портретларын барладылар, авылыбыз уртасында куелган һәйкәл - обелиск өчен венок һәм чәчәкләр ясадылар.

Мәктәп укучылары, Сатыш авылы зиратына барып, вафат булган сугыш каһарманнарының каберләрен барладылар. Бердәм рәвештә чистарту оештырылды һәм барланган каберләргә махсус тасмалар беркеттеләр. Әлеге өмәдә катнашкан укучыларга һәм укытучыларга рәхмәтебезне белдерәбез.

Өстәмә белем бирү түгәрәге җитәкчесе Н.Ә.Әүхәдиева җитәкчелегендә Бигәнәй  мәктәбе укучылары сугыш ветераны Гайнуллин Гыйльмулла абый янында булдылар. Очрашу барышында ветеран укучыларга үзенең сугышчан юлы турында сөйләде. Укучылар аңа истәлек бүләге тапшырдылар һәм бергәләп фотога төштеләр.

Китапханәче Гильманова А.Н. "Библиотекарь года - 2015" конкурсында катнашып, иң актив катнашучы дигән рәхмәт хаты белән бүләкләнде. Афәрин сезгә!!!

Бүген гомуми линейкада атналык эшкә йомгак ясалды, төрле конкурсларда җиңүче укучылар бүләкләнде. 7нче сыйныф укучылары Галлямова Д., Гиниятова Д. район күләмендә Бөек Җиңүнең 70 еллыгы уңаеннан үткәрелгән квеста актив катнаштып, уңышлы чыгыш ясадылар.

Мәктәбебездә "Язгы шәфкатьлелек" айлыгы дәвам итә. Бүген 10 нчы сыйныф укучылары класс җитәкчеләре Марданова С.Х. белән бергә һәйкәл-обелиск янында утыртылган агачларга су сиптеләр.