17нче май-Халыкара балаларның ышаныч телефоны көне.Шушы уңайдан 25 нче апрельдән 17 нче майга кадәр  мәктәбебездә "Балаларның ышаныч телефоны" айлыгы башланып китте.Бүген тәрбия эшләре буенча директор урынбасары Әхмәтшина Р."Без үзебез генә түгел" дигән чыгыш ясады.Ул укучыларны Ышаныч телефоны белән таныштырды, нинди  шартларда аңа мөрәҗәгать итәргә кирәклекне аңлатты. 

Буген китапханәче Гыйльманова А.Н. 5-6 сыйныф укучылары белән берлектә Марк Твен әсәре буенча әдәби -квест үткәрделәр. Уен барышында 4 команда 5 этапта көч сынаштылар. Нәтиҗәдә "Җитезләр" командасы җиңу яулады.Уен бик кызыклы һәм куңелле булды.

"Мәрхәмәтле Татарстан" акциясе кысаларында бүген башлангыч сыйныф укучылары һәйкәл-обелискка барып,Бөек Ватан сугышында һаләк булучыларны 1минутлык тынлык белән искә алып кайттылар.Аларның батырлыклары мәңгелек!.

Бүген Советлар Союзы Герое ,летчик А.П.Маресьевның тууына 100 ел тулу уңаеннан 2-11 нче сыйныфларда тәрбия сәгатьләре булып узды.Укучылар А.П.Маресьевның тормыш юлы,батырлыгы турында бай мәгьлумат алдылар.

"Бөтендөнья җир" көне уңаеннан химия-биология укытучысы Хасанова В.Р. 5-8 нче сыйныф укучылары белән "Җиребезне саклыйк!" дип исемләнгән класстан тыш чара үткәрде.Кичә барышында экологик проблемалар һәм аларны чишү юллары каралды.

Казан шәһәренең Актерлар йортында 19-22 апрель көннәрендә Г.Тукайның 130 еллыгы уңаеннан VI Халыкара  “Тукай замандашлары” дип исемләнгән шигырь сөйләүчеләр  бәйгесе үтте.

Әлеге шигырь сөйләүчеләр бәйгесендә Ш.З.Зиннуров исемендәге Сатыш урта гомумбелм бирү мәктәбеннең 8 нче сыйныф укучысы Минанхузин Илфир катнашты.Илфир 19,20 апрель көннәрендә уңышлы чыгыш ясап, 22 апрель көнне Актерлар йортында үткән Гала –концертта чыгыш ясады һәм III урынга лаек булды.

Бүген татар теле һәм әдәбияты укытучысы Мөхәмәтханова Г.М. 1-11нче сыйныф укучылары катнашында юбиляр язучыларга багышланган "Сүнмәс йолдызлар" дип аталган әдәби-музыкаль кичә үткәрде.Кичә барышында юбиляр язучыларның әсәрләреннән өзекләр сәхнәләштерелде,шигырьләре яңгырады, җырлар,биюләр башкарылды . Афәрин,укучылар!

Бүген "Мәрхәмәтле Татарстан" акциясы кысаларында рәсем укытучысы Гильманова А.Н. "Шәфкатьле булыйк!"девизы астында рәсемнәр күргәзмәсе оештырды.Укучылар әлеге күргәзмәдә актив катнаштылар.

"Изгелек җирдә ятмас!" девизы астында бүген 5-11 нче сыйныф укучылары үзләренә беркетелгән әби-бабайларга шефлыкка бардылар.Аларның эшләреннән һәркем канәгать калды. Рәхмәт сезгә,укучылар!

Айлык план нигезендә бүген 5-9 нчы сыйныф укучылары өчен Г.Тукайның тормышын һәм иҗат юлын эченә алган видеофильм күрсәтелде. Укучылар Г.Тукайның иҗаты белән кабат таныштылар.