Бүгенге көнне без "Урман безнең байлыгыбыз" дип атадык. Балалар белән урманга мендек,файдалы үләннәр җыйдык һәм кайткач җыелган үләннәрдән "Табигать һәм фантазия" дигән темага кул эшләре бәйгесе уздырдык.  

Бүген укучылар белән Арча районындыгы  һәм Балтач районы Карадуган авылындагы Муса Җәлил һәм Себер тракты музейларында булдык. Без анда төрле экспонатлар күрдек һәм үзебезгә бик кирәкле мәгълуматлар алдык.

Бүгенге көнне без Суга багышларга булдык. Күлләр, елгалар, инешләр турында кызыклы мәгълүтатлар бирдек, викторина үткәрдек. Аннан соң кечкенә елгаларны, чишмәләрне чистартырга бардык. Эшләп аргач, укучылар саф һавада рәхәтләнеп уеннар уйнадылар. Бу көн шулай файдалы һәм күңелле генә үтте.

Лагерьның 12нче көнендә Өчиле авылына экскурсиягә бардык. Анда безне Өчиле мәдәният йортының эшчәнлеге һәм авылдан чыккан күренекле кешеләр белән якыннанрак таныштырдылар. Балалар төрле-төрле кызыклы уеннар уйнап вакытны күңелле үткәрделәр.

Бүген бездә  зур бәйрәм - Карнавал булды.  Һәр укучы бу бәйрәмгә ныклы әзерлек белән килделәр.  Укучылар шаян куяннар да,  хәйләкәр төлкеләр дә булып чыгыш  ясадылар. Бәйрәм бик күңелле үтте. 

 Без бүген  Курсабаш  мәдәният  йортына кунакка  бардык.   " Мәдәният йортында үз-үзеңне тоту  кагыйдәләре"  темасына  кызыклы әңгәмәдә  барыбыз да  бик  теләп катнаштык . "До,ре,ми...." җыр бәйгесе үткәрелде. Без  мәдәният йортында  рәхәтләнеп күңел  ачтык:  җырладык, биедек,татар халык уеннарын уйнадык. 

6 июнь көнендә без Лесхоз бистәсенә  юл алдык. Без сәяхәтебезне  матур, бизәкле  савыт -сабаларның туган җиреннән башладык. Анда эшләүчеләр  үзләренең  эшләре белән таныштырдылар.  Юлыбызны  дәвам итеп урман музеена  килдек. Анда тупланган  байлык һәр балада кызыксыну уятты.  Соңыннан  "Нарат" боз сараенда  конькида шудык. Бу сәяхәт безгә бик ошады. 

6 июня- день Русского языка.Конечно же, без А.С. Пушкина  мы Русский язык  не представляем.Поэтому  с удовольствием  читали  сказки А.С. Пушкина , делали  иллюстрации к ним. 

Без бүген  сөекле  Тукаебызның   туган авылында  экскурсиядә булдык. Без анда нәни Тукаебызның  балачак эзләре буйлап сәяхәт иттек.  Аның яшәгән урыннарында булгач, без тагын да  шагыйребез иҗаты  турындагы белемнәребезне  ныгыттык. Безгә бу экскурсия бик ошады. 

Лагернең 4 нче көне бик күңелле үтте. Без Түбән Утар авылының мәдәният йортына экскурсияга бардык. Бу авылда бик сәләтле кешеләр яши. Җырга, биюгә осталар да бик күп.Сәләтле кешеләр белән танышкач, без үзебезнең сәләтләребезне күрсәтеп алдык.