Бүген Курсабаш авыл җирлегендә "Лыжня России -2014" булды. Анда безнең мәктәп укучылары һәм укытучылары да актив катнашты.

Канатлы дусларыбызга авыр вакытларында ярдәм йөзеннән укучылар белән җимлекләр куйдык

3 февраль көнне  Мәгариф хезмәткәрләре арасында спартакиадага старт бирелде. Бүген өстәл теннисы һәм чангы буенча ярышлар уздырылды. Безнең мәктәп тә актив катнашты.

Безнең мәктәптә 31 нче гыйнвар көнне төрле уку йортларында укучы студентлар белән очрашу кичәсе үткәрелде.                                           Очрашуга 8 студент килгән иде. Алар һәрберсе үзләренең уку йорты, тору шартлары, уку йортына кабул итү шартлары, нинди фәннәрдән  БДИ һәм гомуми  күпме балл кирәк булуы турында укучыларга бик теләп һәм аңлаешлы итеп сөйләделәр. Аларның  сөйләгәненнән күренгәнчә, уку йортына эләгә алсаң, хәзерге студентларга  яшәр өчен дә, укыр өчен дә барлык шартлар тудырылганлыгы аңлашылды.                

Укучыларны авыр сугыш еллары, Ленинград блокадасы вакыйгалары белән таныштыру, икмәккә хөрмәт, туган илгә мәхәббәт тәрбияләү максатыннан ,барлык  сыйныфларда  да тәрбия сәгатьләре үткәрелде. Ленинград блокадасы  чорындагы авырлыклар турында укучылар  бик кызыксынып тыңладылар,  үзләре кызыксынган сорауларга җаваплар таптылар.

Без   23 нче  январь  көнне  Саба радиосында   чыгыш ясадык. Чыгышыбызда  мәктәбебездә укыту торышы, укучыларның  һәрьяклы  үсешендә  түгәрәкләрнең   әһәмияте  хакында ,”Балкыш” балалар  оешмасы укучыларның  конкурсларда, төрле иҗади чараларда хакында  таныштырдык. Һәр чыгыш матур  җырлар белән  үрелеп алып барылды.  Чыгышыбыз  бик уңышлы  чыкты.  Яңадан чыгыш ясау теләге белән  Саба  радиосы  белән хушлаштык.

Мәктәбебездә башлангыч сыйныфлар өчен дәрестән тыш эшчәнлек бик кызыклы үтә. Укучылар "Осталар шәһәре", "Оригами", "Модульное оригами"эшчәнлекләрендә шөгыльләнәләр.

20 гыйнвар  көнне укучылар, педагог - организатор белән берлектә, "Чисталык рейды" үткәрделәр. Алар һәр классларда китап тотылышларын, дәфтәрләрнең чисталыгын, шулай ук укучыларның форма белән йөрешләрен тикшерделәр.

8нче сыйныф укучылары Алмаз Фәйзетдинович җитәкчелегендә авылыбызның фельдшер акушерлык пунктына экскурсиягә бардылар. Укучылар үзләре өчен бик күп файдалы мәгълүмат алдылар.