21 март көнне мәктәбебездә Нәүрүз бәйрәме үтте.  Укучылар театральләштерелгән тамаша карадылар. Бәйрәм җыр-биюләр, уеннар белән үрелеп барды шуннан соң барысы да карга боткасыннан авыз иттеләр.

21 март  - Халыкара урман көне буларак билгеләп үтелә. Шушы уңайдан 21 март көнне мәктәп күләмендә урманнарны саклауга багышланган чара үтте.  

Бүген мәктәбебездә 8 март- Халыкара хатын-кызлар көненә багышланган концерт булды.

27.02.2013 көнне Татарстан Республикасы Саба муниципаль районында  Ә.Кәримуллинның иҗаты, милли  мәдәният традицияләре белән таныштыру максатыннан  Әбрар Кәримуллин исемендәге укучыларның фәнни – гамәли конференциясе булып узды.   Укучылар үзләренең  фәнни эшләре белән “Татар филологиясе”, “Рус филологиясе”, “Инглиз теле”, “Тарих”, “Татар халкының мәдәнияты һәм тарихы” секцияләрендә чыгыш ясадылар.  Фәнни-тикшеренү эшләрен Казан (Идел буе) федераль университеты доцентлары һәм профессорларыннан төзелгән жюри әгъзалары бәяләде.                                                                                                                                                                                                     .                                                                          

Әлеге конференциядә безнең мәктәптән дә ике укучы катнашты: 11нче сыйныф укучысы Нафикова Гөлнара, 9нчы сыйныф укучысы Шәйморзин Илнар катнаштылар. Нафикова Гөлнара “Мирсәет Солтангалиев –дәүләт эшлеклесе” исемле эше белән Республика күләмендә II урынны, Шәйморзин Илнар “Татар язучылары һәм шагыйрьләре иҗатында милләт мәсьәләсенең чагылышы” исемле эше белән Республика күләмендә III урынны яуладылар. Аларга мактау грамоталары тапшырылды.    Әлеге укучыларга һәм аларның җитәкчеләре Йосыпова Райлә Илгизовнага һәм Җиһаншина Рузалия Зиннуровнага зур рәхмәт.

22 февраль көнне укучыларның мәктәпкә барганда һәм кайтканда куркынычсызлыгын тәэмин итү, балигъ булмаган балаларга карата җинаятьләрне кисәтү максатыннан ата-аналар җыелышы үткәрелде.

"Ел укытучысы 2013" конкурсында безнең мәктәптән физика укытучысы Юсупов Зөфәр Закирович һәм химия укытучысы Саляхиева Әнисә Котдусовна катнаштылар. Алар мастер-класс, класс сәгате бирделәр һәм беренче урынга лаек булдылар. 18 февраль көнне аларга грамата һәм акчалата бүләк тапшырылды.

Без аларны чын күңелдән котлыйбыз, алда уңышлар телибез!!!

Укучыларны чыныктыру һәм аларның сәламәтлекләрен ныгыту максатыннан  һәркөнне график нигезендә дәресләрдән соң чаңгыда йөрү каралган.

Бүген Курсабаш авыл җирлегендә "Лыжня России" үткәрелде. Ярышта Курсабаш урта мәктәбе укучылары, укытучылары да актив катнашты.

8 нче февраль көнне 1-11 сыйныф укучыларына дәүләт һәм муниципаль хезмәтләрне электрон челтәр аша куллану һәм файдалану буенча мәгълүмәт бирелде. Укучыларга бу яңалык бик кызыклы һәм файдалы булды.