Бүгенге көн дә күңелле генә үтте. Укучылар математик ребуслар чиштеләр, халык авыз иҗатындагы саннарны барладылар, авыл китапханәсенә экскурсиягә бардылар, яңа китаплар белән таныштылар, викторина сорауларына җавап бирделәр. Ә көндезге аштан соң аларны математикага багышланган "Могҗизалар кыры" көтә иде. Балалар бүгенге көнне файдалы һәм күңелле итеп ял иттеләр.

Көн яңгырлы булу сәбәпле, әтиләр көненә багышланган турнирны спортзалда мини футбол итеп уздырдык. Ике команда уйнады. Һәр командада берәр әти һәм 4 бала катнашты. Уен бик күңелле барды. 6:4 исәбе белән "Яңа буын" командасы "Ак җилкәннәр командасын җиңде. 

Бүген "Математика фәннәр патшасы" исемендәге брейн-ринг уздырылды. Укучылар ике отрядка бүленеп көч сынаштылар. Һәр отряд үзенең газетасын чыгарды һәм аны иптәшләренә тәкъдим итте. "Буталанмыйча сана", математик шигырь язу бәйгеләрендә укучылар бик актив катнаштылар.

Лагерьның унберенче  көне дә күңелле генә үтеп китте. Бу көн балаларның исендә “Математик сабантуй”-тапкырлар һәм зирәкләр бәйгесендә үзара көч сынашу белән  истә калыр,мөгаен."Команданы төгәл бир һәм төгәл үтә", "Кем бутамый уены", кызыклы мәсьәләләр,мавыктыргыч башваткычлар-һәммәсе дә балалар күңеленә хуш килде.Шулай ук спортзалдагы төрледән-төрле хәрәкәтле уеннар да укучыларда күтәренке кәеф һәм онытылмас уңай тәэсирләр генә калдырды!

Бүгенге көн юл йөрү кагыйдәләренә багышланды. "Юлларда  сак бул" исеме астында рәсем конкурсы үткәрелде. "Юл кагыйдәсен беләсеңме"  исеме астында конкурс - викторина узды. Укучылар бик тырышып рәсем ясадылар һәм викторинада актив катнаштылар.