22 нче октябрь көнне сәләтле балалар мәктәбендә Р.Л. Стивенсонның "Остров сокровищ" әсәре буенча әзерләнгән квест булып узды. Мәктәбебездән 5 нче сыйныф укучылары Мударисова Сөмбелә, Мухаметгалиев Азат һәм китапханәче Хусаинова Зәмирә катнаштылар. Әлеге чара укучыларны китап укуга тарту һәм әдәби әсәрләргә карата кызыксыну уяту максатыннан әзерләнгән.

21 октябрь көнне мәктәбебезнең башлангыч сыйныф укучыларына  мәдәни көндәлек тапшырылды.Чарада мәдәният хезмәткәрләре дә катнашты. Көндәлек балаларга Республикабызның тарихи урыннарына, төрле мәдәни чараларга юл күрсәтә һәм рухи байлыкларыбыз белән якыннанрак танышырга ярдәм итә.

15 октябрь көнне Тимершык авыл мәдәният йортында  Саба районына 85 ел тулу уңаеннан оештырылган, “Бәхет иле – балачак” дип аталган район конкурсының зона туры булып үтте. Биредә мәктәбебездән “Әлфия” халык бию коллективының кечкенәләр төркеме, нәфис сүз осталары Реналь Ахметов, Динә Мөбарәкова, Фирүзә Бикбаева, Алинә Заһидуллина, җырчылар Динә Сөләйманова, Илданур Хуҗиәхмәтов, Иллария Мөхәммәтова, Гөльяз Галимова катнашып, уңышлы чыгыш ясап кайттылар.

Мәктәбебездә 7-8 нче сыйныф укучылары ярдәме белән чәчәк орлыгы җыю өмәсе оештырылды.

6 октябрь көнне Саба районы мәдәният йортында укытучылар көненә багышланган кичә булып узды. Мәктәбебездә күп еллар буе рус теле һәм литература укытучысы булып эшләгән Нурисламова Гөлшат Нәҗиповна бүләкләнде.

4 октябрь көнне Саба районы мәдәният йортында "Иң күркәм гаилә-2015" бәйгесе булып узды. Әлеге чарада районыбызның төрле авылларыннан килгән 17 гаилә катнашты.Авылыбыздан Садыковлар гаиләсе "Иң иҗади гаилә" номинациясендә җиңү яуладылар.

1 октябрь - Халыкара өлкәннәр көне. Шул уңайдан мәктәбебездә төрле вакытта эшләгән, ә хәзер лаеклы ялда булган укытучылар, техник хезмәткәрләр бәйрәм кичәсенә чакырылды. Укучылар шигырьләр сөйләп, җырлар җырлап өлкәннәребезгә рәхмәт әйттеләр. 

Өлкәннәр көне булса да,

Күңелегез сезнең гел яшь.

Яшәгез безнең арада

Булып назлаучы кояш.  

24 нче сентябрь көнне Корбан гаете булып узды. Мөселманнарның шушы олы бәйрәме уңаеннан буген мәктәбебездә корбан ашы үткәрелде.

Бүген мәктәбебездә "Милләтләр кроссы" акция кысаларында йөгерү бәйгесе үткәрелде.Физкультура хәрәкәтен киң массаларга тарату, авыл халкында физик культура белән даими шөгыльләнү буенча кызыксыну тудыру максатында үткәрелгән бу чарада барлык мәктәп укучылары, укытучылары, техник хезмәткәрләр катнашты. Барлык сыйныфлар арасында беренчелекне яулаган укучылар:

Башлангыч сыйныфлар арасында 1 -  Гыйлметдинов Әдел,  2 - Хуҗиәхмәтов Илданур, 3 - Яхин Рафил.

5 - 8 сыйныфлар арасында 1 - Шарифуллин Рәдис һәм Кадыров Ранил , 2 - Мөхәммәтгалиев Азат, 3 - Галимуллин Нәзир.

9 - 11 нче сыйныфлар арасында 1 - Яхин Ранил, 2 - Сафин Камил, 3 - Нәбиуллин Илгизәр.