Районкүләм фән олимпиадалары тәмамланды. Укучыларыбызның  уңышлары да бар. 10 сыйныф укучысы Гайнанова Фирүзә - рус теле һәм техгологиядән 3 нче урын, 6 сыйныф укучысы Гилметдинова Әдилә инглиз теленнән 3 нче урын, 4 сыйныф укучысы Сөләймәнова Динә татар теленнән 1 нче урын, 8 нче сыйныф укучысы Мингазова Зәринә - татар әдәбиятеннән 2 нче урын һәм 11 сыйныф укучысы Мухаметова Айсылу - татар әдәбиятыннан 2 нче урын яуладылар. 

Балалар бакчасы белән эшләү дәвам итә. 9 декабрь көнне тәрбияче Римма Мөхәмәтнәҗиповна рус теле эшчәнлегенә ачык дәрес үткәрде. Эшчәнлеккә башлангыч сыйныф укытучылары югары бәя бирделәр.

10 нчы декабрьдә мәктәбебездә 5-6 нчы сыйныф укучылары арасында "Веселые старты"  районкүләм ярышы уздырылды. Әлеге ярышта 4 мәктәптән килгән укучылар командалары спорт ярышларында көч сынашты. Уенның нәтиҗәләре буенча 1 урынны - Мичән командасы, 2 нче урынны - Тимершык командасы, 3 урынны - Шыңар командасы һәм 4 урынны - Симет командасы яулады. 1 нче һәм 2 нче урынны алган командалар финал ярышларында катнашачаклар. 

4 - 13 нче декабрь көннэрендэ мэктэптэ "Час кода - 2015" акциясе үтә.

4 нче декабрьдә мәктәбебездә "Иҗади эшчәнлектә остазлар һәм балалар бердәмлеге" дип исемләнгән өстәмә белем бирү укытучыларының район семинары булып узды. Әлеге чарага районыбызның төрле мәктәпләреннән килгән укытучылар "Оста куллар", "Хореография", "Выжигание", "Фольклор" түгәрәкләре эшчәнлеге белән таныштылар. Семинар әдәбият елына багышланган "Чишмәләр иле син, туган як!" әдәби марафоны белән төгәлләнде.

28 нче ноябрь көнне мәдәният йортында Әниләргә багышланган бәйрәм оештырылды. Әлеге чарада авылыбызның барлык әниләре чакырылды. Укучылар әниләренә багышлап шигырьләр укыдылар, җырладылар, биеделәр, бәйрәм белән котладылар.

Бер бала да әнисеннән, 

    20 ноябрь- Бөтенроссия балаларга хокукый ярдәм күрсәтү көне. Шул уңайдан, мәктәбебездә  Садриев Рөстәм Аюпович катнашында линейка үткәрелде. Сүз бала хокуклары һәм аларны яклау турында барды. Шулай ук, 2005 нче елның 26 октябреннән ноябрь аеның өченче якшәмбесе  Бөтендөнья юл һәлакәтендә  фаҗигале төстә вафат булучыларны искә алу көне буларак билгеләп үтелә. Үткәрелгән линейкада әлеге дата һәм юл йөрү кагыйдәре хакында да әйтеп кителде. 

17 ноябрьдә башлангыч сыйныфлар өчен "Минем хокукларым" дип исемләнгән җыен үткәрелде. Әлеге җыенда педагог - оештыручы Нәбиуллина Дилбәр укучылар белән бала хокуклары, аларны белүнең кирәклеге турында сөйләште. Шулай ук игътибарлыкка кызыклы уеннар уйналды, практик күнекмәләр өлешендә укучылар эмблемалар ясадылар.

17 ноябрь көнне балалар бакчасы һәм мәктәптә дәвамчанлык планын үтәү максатыннан 1 нче сыйныфта ачык дәрес үткәрелде. Беренче сыйныф укытучысы Бикбаева Миләүшә Нуретдиновна математика дәресе күрсәтте. 

Дәрестә укыту эшләре буенча директор урынбасары, башлангыч сыйныф укытучылары, балалар бакчасы мөдире һәм тәрбиячеләр катнашты. Ахырдан дәрескә анализ ясалды.

Башлангыч сыйныфлар арасында үткәрелгән " Боз өстендә сак бул" рәсем конкурсында укучылар бик актив катнаштылар. Һәр укучының рәсеме кызыклы, үзенчәлекле. Мәктәп этабында җиңүче - 1 нче сыйныф укучысы Маслахова Миләүшә.