Бүген һәр класста Сәламәтлек дәресләре узды. "Сәламәтлек чыганаклары" (1 класс), "Бу синең үзеңнән тора" (2 класс), "Сәламәт булыйм дисәң..." (3 класс), "Саулык-зур байлык" (4 класс), "Дөрес туклану-сәламәт булу" (5 класс), "Саулык-зур байлык" (6 класс), "Сәламәтлегебез үз кулыбызда" (7 класс), "Начар гадәтләргә юл куйма!" (8 класс), "Сәламәтлек-тормыш нигезе" (9 класс), "Сәламәт тәндә-сәламәт акыл" (10 класс), "Сәламәтлек кадерен беләсеңме?" (11 класс) дигән темаларга узган әңгәмәләрдә  укучылар сәламәтлек, аның кыйммәте, үз сәламәтлегеңне саклау мөһимлеге турында сөйләштеләр.

6нчы апрельдә Килдебәк урта мәктәбендә узган бадминтон ярышларында укучыларыбыз актив катнашты. Гыйлметдинов Айдар (9 класс)-1 урын, Ибатова Эльмира ( 7 класс)-3 урын, Юзеева Нәркизә (6 класс)-3 урын, Бикмиев Илфир (9 класс)-3 урын яуладылар.

7 апрель- Бөтендөнья сәламәтлек көне. Мәктәбебездә һәр көн иртәнге гимнастика ясаудан башланып китә. Бүген дә укучылар иртәнге гимнастика ясадылар. Ә дәресләрдән соң 4-6 класс укучылары арасында "Күңелле стартлар" узды.

4нче апрельдә Килдебәк урта мәктәбендә 1997-1999нчы елгы укучылар арасында бадминтон буенча   узган ярышларда 7 класс укучысы Ибатова Эльмира 1нче урын һәм 8нче класс укучысы Хадиев Ирек 1 нче урын  яуладылар. Алар әлеге җиңүләре белән Республика күләмендә уздырылучы 9нчы Спартакиадада катнашу хокукына ирештеләр. Котлыйбыз!

2нче апрель көнне 11 класс укучылары Мәгариф һәм фән министрлыгының № 1037/13 боерыгы нигезендә on-iain режимда рус теленнән Интернет тестированиедә катнаштылар.

30 мартта Лесхоз бистәсендә РФ һәм РТ атказанган урманчысы Минниханов Н.М.  истәлегенә узган шахмат ярышларында безнең мәктәп  укучылары да актив катнашты. Шакирова Гөлназ үз яшьтәшләре арасында 3нче урын алды. Котлыйбыз, Гөлназ! 

29 мартта Саба гимназиясендә "Первые шаги в науку" дип исемләнгән проект-эзләнү эшләре бәйгесе узды.Бу бәйгедә безнең мәктәпнең 4 класс укучысы Шарипова Эльвина "Милли баш киеме-калфак" дигән проект эше белән чыгыш ясады һәм актив катнашкан өчен Грамота белән бүләкләнде. Укытучы-Гыйлметдинова И.Г.

29 март көнне 7. 8 класс укучылары "Саба" бассейнында булдылар. 

29 мартта Олы Кибәче урта гомумбелем бирү мәктәбендә мәгариф хезмәткәрләре арасында  уздырылучы волейбол ярышларының зона этабы узды. Ярышларда 6 мәктәп катнашты. 1 урын-Икшермә урта мәктәбе, 2 урын-Арташ төп мәктәбе, 3 урын- Сатыш урта мәктәбе. Җиңүчеләрне котлыйбыз, калган мәктәпләрне дә алар белән тигезләнергә чакырабыз.

28 март  көнне район балалар иҗат үзәгендә узган "Живая классика"  бәйгесендә  6 класс укучысы Юзеева Нәркизә катнашты. Ул Н.Носовның  "Живая шляпа" исемле хикәясен сөйләп, иң яхшы чыгыш ясаучы 3 мәктәп исемлегенә кертелде. Укытучы-Закирова Р.Г.