Балалар куркынычсызлыгын тәэмин итү максатыннан мәктәбебездә планлы эш алып барыла. Ата-аналар комитеты беләр берлектә кечкенә яшьтәге һәр укучыга югары классларда укучы берәр бала яки әти-әнисе җаваплы кеше итеп беркетелеп, әти-әниләр әлеге исемлек белән таныштырылды. Укучыларның дәрескә йөрүләре даими контрольдә тотыла, йөреш буенча көндәлек отчет мәктәп директорына тапшырып, анализлана. Дәрес калдырган очракта, һәр укучы медицина белешмәсе яки дәрес калдыруның сәбәбе күрсәтелеп,  ата-ана тарафыннан язылган гариза алып килеп класс җитәкчесенә тапшыра. Һәр атнаның шимбәсендә кичке рейдлар оештырылган. Укучыларны гадәттән тыш хәлләр килеп чыкканда үз-үзеңне тоту кагыйдәләре белән таныштыру, таныш булмаган кешеләр белән үзеңне ничек тотарга кирәклеген аңлату өчен һәр класста әңгәмәләр узды. Балалар куркынычсызлыгы өчен әти-әниләр дә, укытучылар да, укучылар үзләре дә зур җаваплылык тоярга тиешләр. 

13нче районкүләм "Сәләтле балачак-өметле киләчәк" балалар иҗаты фестиваль-конкурсында катнашкан барлык эшләребез дә призлы урыннар белән бәяләнүе  мәктәбебез өчен зур куаныч булды."Агачта һәм пыялада" эшләү номинациясендә Сабирова Гөлназның эше 1нче, "Рәсем" номинациясендә Юзеева Сиринәнең эше 1нче урынга  (җитәкчеләре-Вилданов Н.М.), "Рәсем" номинациясендә Шакирова Гөлназның эше 3нче, Халиуллин Әмирнең эше 3нче урынга  (җитәкчеләре-Шакирова Л.Г.) лаек булды. 

Бүген җиңел атлетика буенча ярышларда безнең мәктәп укучылары да актив катнашты һәм яхшы нәтиҗәләргә ирештеләр: Марданова Гөлчәчәк  сөңге ыргыту буенча 1нче, диск ыргыту буенча 3нче, Губаева Руфинә диск ыргыту буенча 1нче, сөңге ыргыту буенча 3нче, Сабирова Гөлназ сөңге ыргыту буенча 2нче, диск ыргыту буенча 2нче, 1500 м.га йөгерү буенча 3нче урын яулады. Тренерлары-физик тәрбия укытучысы Раил Рашитович. Котлыйбыз!!!

22 нче апрель көнне Балалар иҗат үзәгендә “Сәләтле балачак - өметле киләчәк” конкурс – фестиваленең “Хореография” һәм “Остаз”  номинацияләре үткәрелде. Безнең мәктәпнең бию коллективы "Хореография" номинациясендә чыгыш ясап,  1-4 класс укучылары арасында 3нче урын яулады. Җитәкчеләре-өстәмә белем бирү педагогы Шафикова Г.Р.

Татарстан республикасында чисталык икеайлыгы дәвам итә. Бүген мәктәбебездә мәктәп тирәсен һәм юл буйларын чистарту буенча өмә узды. 

Бүген мәктәбебездә "Аҗаган" хәрби-спорт уенының зона этабы узды. Ярышларда  5 мәктәп катнашты. АК сүтеп-җыю буенча Гыйлаҗев Булат 1нче урын, Давлиева Айзилә 2нче урын, турникта күтәрелү буенча Давлиев Булат 2нче урын, ОЗК кию буенча Давлиева Айзилә 1нче урын, Фазылов Илнар 1нче урын, Зиннуров Аяз 3нче урын, гәүдә күтәрү буенча Сабирова Гөлназ 2нче урын яуладылар. Гомуми нәтиҗәләр буенча Олы Кибәче мәктәбе 1нче, кадет мәктәп-интернаты 2нче, Икшермә һәм Шытсу урта мәктәпләре 3нче, Сатыш урта мәктәбе 4нче урында булды.

17 апрельдә 11 класста ата-аналар җыелышы узды. Җыелышта репетицион, Интернет тестирование, мәктәптә   уздырылган тестирование нәтиҗәләре анализланды. Барлык ата-аналар да катнашты.

16 апрельдә 9 класста ата-аналар җыелышы узды. Әти-әниләр репетицион, Интернет тестирование,мәктәптә уздырылган тестирование нәтиҗәләре белән таныштырылды. Җыелышта мәктәп директоры Мухаметзянов Р.Р. ГИАга әзерлекнең югары дәрәҗәдә булырга тиешлегенә басым ясады. Укыту эшләре буенча директор урынбасары Габделхаева Р.Р. 16, 17 апрель көннәрендә КФУ тарафыннан ЕГЭ һәм ГИАга әзерләү турында  Интернет-форум уздырылуы турында белдереп, әти-әниләр форумда үзләрен кызыксындырган сорауларга җаваплар алдылар. Җыелышта предмет укытучылары һәр укучының  ГИАга әзерләнүе турында тулы анализ ясадылар, кимчелекләрне күрсәттеләр, әти-әниләрне балаларын даими контрольдә тотарга чакырдылар. 

13, 14 апрель көннәрендә бадминтон  буенча  төньяк-көнбатыш лигасы ярышларында укучыларыбыз катнашып, яхшы нәтиҗәләргә ирештеләр: одиночный разрядта 7 класс укучысы Ибатова Эльмира 1нче урын, 6 класс укучысы Матзянова Гөлинә  2нче урын, парный разрядта Ибатова Эльмира 2нче урын, Матзянова Гөлинә 3нче урын, Давлиев Ильяс  2,3нче урыннар, Юзеева Нәркизә  2,3нче урыннар  яуладылар.

Начар гадәтләрне кисәтү, спиртлы эчемлекләрнең организмга, җәмгыятькә  китергән зыяны белән таныштыру максатыннан бүген (12.04.2013) 9-11 класс укучылары өчен "Технология спаивания" фильмын карау оештырылды.Әлеге фильмда алкоголизмның үзеңә, синең балаларыңа никадәр зыян китерүе, исерткеч эчемлекләр куллануның гаиләне генә түгел, тулы бер буынны җимерүе мисаллар белән аңлатылды. Алкоголизмның Россиягә килеп керү һәм таралу тарихы белән таныштырылды.15, 16 апрель көннәрендә укучыларның алкоголизмга булган мөнәсәбәтләрен ачыклау өчен анкета уздыру планлаштырыла.