Бүген укытучылар, әти-әниләр һәм укучылар өчен иң тантаналы, иң истәлекле көннәрнең берсе-Соңгы кыңгырау көне. Бу уку елында мәктәбебезне 9 укучы тәмамлый. Киләчәккә планнары зурдан, хыяллары белән дөньяны колачларга әзер булган бу егетләр һәм кызлар өчен бүген Соңгы кыңгырау яңгырады. Аларны бәйрәм белән  Саба районы Башкарма комитеты аппарат  җитәкчесе Расих Хасанович, район балалар иҗат үзәге декоратив-гамәли сәнгать бүлеге җитәкчесе Раилә Дамировна, мәктәп директоры Рәлиф Ринатович, Олы Кибәче авыл җирлеге башлыгы Фәкыя Хәсәновна, укыту эшләре буенча директор урынбасары Рәсимә Рафиковна тәбрикләде. Чыгарылыш сыйныф укучыларына хәер-фатиха бирү өчен авылыбызның мулласы Рафаэль абый чакырылган иде.Беренче укытучылар, әти-әниләр, класс җитәкчесе Ләйсән Рафиловна укучыларга иң изге теләкләрен җиткерделәр.

Хыялларыгыз чынга ашсын,

Эшегез булсын гел уңай.

Теләкләрегез үтәлерлек

Исәнлек бирсен Ходай.

Ак юл Сезгә, укучыларыбыз!

Бүген 4нче класс укучылары Варислар сафына кабул ителде. Педагог-оештыручы Газизова Г.Р. варислар турында сөйләде. Класс җитәкчесе Гыйлметдинова И.Г. укучыларны котлап, уңышлар теләде. Башлангыч класс укучылары алдында концерт номерлары куелды.

2012-2013нче уку елы тәмамланырга санаулы гына көннәр калды. Бу көннәрдә чыгарылыш класс укучылары  "Соңгы кыңгырау" бәйрәменә әзерләнәләр. Моңсу да, шатлыклы да булган бу бәйрәмне матур итеп уздырырыга тырышалар алар. "Хуш, мәктәбем!"дип исемләнгән стена газеталары да һәркемнең игътибарын җәлеп итәрлек килеп чыккан. Мәктәп коллективының сезгә иң зур теләге-бәйрәмегез дә күңелле узсын, имтиханнарда  да сынатмагыз!

15нче май көнне гаиләләр арасында узган "Стартуем вместе" конкурсында безнең мәктәптән Сафиннар гаиләсе катнашып  3нче урын яулады. 3 класста укучы кызлары Сөмбелә, Сиринә Зәкиҗановна, Айрат Камилович һәр бәйгедә зур җитезлек һәм осталык күрсәттеләр. Аларның гаиләләренә тигезлек, муллык телибез.

15 май көнне мәктәбебездә экология дәресе узды. Әлеге дәрестә экологик проблемалар, тирә-юнебезне чиста тоту мөһимлеге турында аңлатылды. Дәресне биология укытучысы Ибушева Ф.Н. алып барды.

16нчы майда Татарстан Варислар Берлеге туган көненә багышланган слетта катнаштык. Табигатьнең гүзәл почмагында узган бәйрәмне матур көн дә бизәде. "Барабаны играют сбор"  бәйгесенең котлау открыткалары номинациясендә 7 класс укучысы Газизова Илүзә 2 нче урын, компьютер презентацияләре бәйгесендә "Ай" берлеге 2 нче урын яулады.

15 май көнне  4нче дәрес вакытында 1-11 класс укучылары катнашында Бердәм Универсиада дәресе узды. Дәрестә башкалабыз Казанда узачак Универсиада турында бик күп мәгълүмат бирелде. Дәресне физик тәрбия укытучысы Мубаракзянов Раил Рашитович уздырды.

14 май көнне 5-11 класс укучылары өчен (65 укучы) "Человек без рук, без ног" фильмын карау оештырылды. Зур ихтыяр көчле , максатына ирешү өчен барысын да эшләүче, кешеләрне дә көчле булырга өндәүче фильм  герое Никка сокланмый мөмкин түгел. Аның  хакында, ихтыяр көче һәм көчсезлек турында сөйләшүләр класс сәгатьләрендә дәвам итәчәк.

Быел Бөек Җиңүгә 68 ел. Шушы зур бәйрәм уңаеннан Төбәк һәм Олы Кибәче авыллары һәйкәл-обелисклары янында тантаналы митинглар узды. Ике митингта да укучылар көче белән әзерләнгән концерт күрсәтелде. Укучыларның чыгышы сугыш һәм тыл ветераннарына да, авылдашларыбызга да бик ошады. Тантаналы митинг  "Аҗаган" хәрби-спорт уенында район күләмендә 3нче урын  алган мәктәп командасының маршировкасы белән тәмамланды.

Саба районы оешмалары арасында узган өстәл теннисы ярышларында мәктәп директоры Рәлиф Ринатович, физик тәрбия укытучысы Раил Рашитович, техник хезмәткәр Сиринә Исламовна составындагы командабыз район күләмендә 1нче урын яулады. Котлыйбыз!!!