Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
| Адрес: | Республика Татарстан, 420141, г. Казань, ул. Кул Гали, д. 13 |
| Телефон: | +7(843)-262-43-69 (приёмная); +7(843)-590-13-18 (охрана) |
| E-Mail: | g18.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Гимназия №18 - "Галэм" |
| Руководитель: | Фасхутдинова Гульшат Абузаровна |
| Год основания учреждения: | 1999 |
| У нас учатся: | 905, из них иностранных граждан - 0 |
| У нас учат: | 61 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: << 81 82 83 84 85 86 87 88 ( 89 ) 90 >>
-
Галиәскәр Камал театрында 27.03.2023

Бүген Бөтендөнья театр көне. Театр сәнгатенә якын булган, театрны яраткан һәркемне бу бәйрәм белән чын күңелдән котлыйбыз.
Шушы бәйрәм уңаеннан, каникулларны бушка уздырмыйк, дип 3в сыйныфы Галиәскәр Камал театрында яраткан бөек шагыйребез Габдулла Тукайның "Кәҗә белән Сарык" әкиятен карап кайттылар.
-
Лагерьның 2 нче көне 27.03.2023

Лагерьның икенче көне физик тәрбиядән башланып китте. Лилия Камилевна укучылар белән төрле күнегүләр ясадылар, флорбол уйнадылар. Аннан соң китапханәче Зөлфия Рафаильевна кызыклы әдәби викторина үткәрде. Китапханәдән соң укучылар рәсем дөньясы белән таныштылар. Сынлы сәнгать укытучысы Равилә Хайдаровна укучыларны төсле акбурлар белән буяу серлэренә өйрәтте.
-
Язгы каникуллар - искиткеч вакыт! Лагерьның 1 нче көне 25.03.2023

Нихаять укучыларыбызның көтеп алынган каникуллары да килеп җитте! Язгы каникуллар - искиткеч вакыт!
Табигать уяна, кошлар сайрый һәм барысында да илһам сизелә!
Ә каникуллар белән беррәттән, гимназиябездә язгы лагерь эшли башлады.
Лагерьның беренче көне бик кызыклы һәм күңелле башланып китте. Куркынычсызлык техникасы буенча инструктажлар үткәрелде, балалар көн тәртибе, лагерьда үз-үзеңне тоту кагыйдәләре белән таныштылар.
Көннең икенче яртысында "Наука - это просто" дип аталган чара карадылар. Алар анда ут серләренә төшенделәр.
Шулай көн ахырына якынлашты. Укучылар барысы да шатланышып өйләренә таралдылар. -
Китап - белем чишмәсе 24.03.2023

«Балалар китабы атналыгы» бәйрәме дәвам итә. Бүген 4б сыйныфы укучылары белән гимназиябез китапханәсендә балалар әсәрләре буенча викторина үткәрелде. Балалар 3 командага бүленеп, сорауларга җавап бирделәр, ребуслар, кроссвордлар чиштеләр. Китапның ничек барлыкка килү тарихы белән таныштылар.
-
"Балалар китаплары" атналыгын дәвам итеп 24.03.2023

Гимназиябез китапханәсендә 5Б сыйныфы укучылары Марк Твен әсәре буенча «Том Сойер» киносын карадылар. Соңыннан китапханәче Зөлфия Рафаильевна белән әлеге әсәрне анализладылар, күргәзмә белән таныштылар.
-
Татар Бистәсе интерактив музеенда кунакта 24.03.2023

Бүген 6б сыйныфы Татар Бистәсе интерактив музеенда кунакта булдылар. Үзләренә бик күп яңа мәгълүмат тупладылар. Милли музейның элеккеге татар мөхите чорнап алды үзләрен. Музей хезмәткәрләре дә бик кунакчыл, тәмле чәйләре, татарга гына хас булган баллы ризыклары белән сыйладылар. Укучылар бик күңелле һәм яхшы гына ял итеп кайттылар.
-
"Ел укучысы- 2023" 24.03.2023

23 нче март көнне 4А сыйныфы укучысы Хәйдәрова Мәдинә Ләззәтовна "Ел укучысы- 2023" конкурсының район этабында уңышлы чыгыш ясап, шәһәр турына үтте. Афәрин, Мәдинә!!! Алга таба зур уңышлар сиңа! Җитәкчесе: Хөснетдинова Резеда Фатыховна.
-
"Күңелле тәнәфесләр" 24.03.2023

Гимназиябездә дәрестән соң "Күңелле тәнәфесләр" оештырыла. Бу ял минутларында укучылар белән кызыклы эстафеталар үткәрелә, җырлы-биюле милли хәрәкәтле уеннар да уйнала. Мондый тәнәфесләрдә укучылар күбрәк аралашалар, дуслар табалар. Ә иң мөһиме телефоннан аерылып торалар.
Тарих һәм җәмгыять белеме укытучысы Гөлчәчәк Әсхәтовна да үзенең фәненә кызыксыну уяту өчен тәнәфес вакытында төрле уен формалары оештыра. -
"Балалар китабы атналыгы"н дәвам итеп. 24.03.2023

24 март көнне балалар китабы атналыгы кысаларында 5 “А” сыйныф укучылары әсәрләр буенча буктрейлерлар карадылар:
Портер Э. «Поллианна».
Грин А. «Алые паруса»,
Твен М. «Том Сойер маҗаралары», алар каникулларга укырга тәкъдим ителде.
Чара барышында балалар үзләренең яраткан әсәрләре белән уртаклаштылар -
«Күңелле җәнлекләр» мастер - класс 23.03.2023

23 нче март көнне «Күңелле җәнлекләр» дип исемләнгән китаплар өчен нигез салу буенча мастер-класс оештырылды. Балалар төсле картоннан кызыклы эшләнмәләр ясарга өйрәнделәр. Һәм нәтиҗәдә төлке рәвешендә китаплар өчен файдалы һәм якты китап кыстыргычлары барлыкка килде. Бу кыстыргычлар китапны ертылудан, пычранудан саклап калачак.










