26 нчы апрель- бөек шагыйребез Габдулла Тукайның туган көне. Бу көн үз телен яраткан һәм аның белән горурланган һәр татар кешесе өчен зур бәйрәм. Габдулла Тукай исеме татар мәдәниятенең үткәне, бүгенгесе һәм киләчәге белән мәңгегә бәйле.
Гимназиябездә дә бөек шагыйрьнең туган көне билгеләп үтелде. Укучылар белән берлектә "Күңелебездә, телебездә, йөрәкләрдә Тукай мәңгелек" дип исемләнгән бик матур, эчтәлекле әдәби кичә уздырылды. Укучылар Габдулла Тукайның күп кенә әсәрләрен сәхнәләштерделәр. Кичә шагыйрьнең тормыш юлын чагылдырган презентация белән үрелеп барды һәм "Туган тел" җыры белән тәмамланды.

Габдулла Тукай татар әдәбияты тарихына милли шигърияткә нигез салган бөек халык шагыйре буларак кереп кала.
«Тукай яши безнең йөрәкләрдә" - шагыйрьнең тууына 137 ел тулуга багышланган әдәби дәрес 1 "А" сыйныфы укучылары белэн утте.
Китапханәче апалары балаларны шагыйрьнең биографиясе, авыр балачагы белән таныштырды, шагыйрь дөньяда 28 ел гына яши, кыска, әмма якты тормыш. Презентация буенча укучылар Казанда, Кырлай шәһәрендә Тукай музеен күрделәр. Тукай исеме белән урамнар, парклар, метро гына түгел, китапханәләр дә аталуын белделэр. Тукай әкиятләре буенча әдәби викторинада актив катнаштылар. Укучылар шагыйрь Габдулла Тукайның шигырьләрен укыдылар. Укучылар шагыйрьнең китаплары белән таныштылар, үзләренең яраткан шигырьләрен сөйләделәр. Китапханәдә китап күргәзмәсе оештырылган, аның буенча китапханәче шагыйрьнең тормышы һәм иҗаты турында китапларга күзәтү үткәрде. Ахырда барлык катнашучылар Габдулла Тукайның «И туган тел, и матур тел» җырын бергэ башкардылар.
Шулай ук укучылар сыйныфларында "Габдулла Тукай иҗаты безнең рәсемнәрдә" дигән рәсем күргәзмәсе оештырдылар.

Гимназиябезнең 1А сыйныфы укучысы Шакирова Зилә Шаян ТВда "Тукай оныклары" дип аталган тапшыруда кунакта булып кайтты. Афәрин, Зилә бар җиргә дә җитешәсең үзең!!!

Бүген 1Б, В, Г һәм 3Б сыйныфларына "Ирек мәйданы" газетасының веб - редакторы Хисамова Фәнзилә Мөдәрисовна кунакка килде. Ул укучыларга газета чыгару үзенчәлекләре турында сөйләде. Журналист, корректор, газета макеты дизайнеры, мөхәррир башкарган эшләре белән таныштырды. Әлеге очрашу бик кызыклы һәм файдалы үтте.

Бүгенге "Мөһим сөйләшүләр" һөнәрләр темасына багышланды. Төп максат: хезмәт иясенә хөрмәт тәрбияләү, һәр һөнәрнең мөһим булуын билгеләп үтү.

24 апрель көнне гимназиябез базасында "Сәйяр" балалар һәм яшүсмерләр театр коллективлары фестиваленең шәһәр этабы булып узды. Фестиваль балаларда рухи мәдәният һәм татар халкының милли мирасына сакчыл мөнәсәбәт формалаштыру максатыннан үткәрелә. Без үз чиратыбызда барлык катнашучыларга уңышлар теләп калабыз!!!

"Җырла, җырла"- дип, әйтәсез,
Сезгә нинди җыр кирәк?!
Сезнен алда жыр жырларга
Сандугач теле кирэк.
Күптән түгел 1а сыйныфы укучылары Бадаев Рамазан һәм Шакирова Зилә "Тормыш Ритмында" дип исемләнгән VIII нче Республика күләмендә уздырылган фестивальдә чыгыш ясап 3 нче дәрәҗәдә лауреат булдылар.
Укучыларыбызны һәм җитәкчеләре Гөлфия Рөстәмовнаны бу зур җиңүләре белән чын күңелдән тәбриклибез! Алга таба да уңышлар юлдаш булсын сезгә!

Гимназиябезнең 5А сыйныфы кызлары Галимянова Мәликә, Закирова Раилә, Меньшина Эльза, Халитова Камилә, Якупова Эльвина, 7Б сыйныф укучысы Менликеев Әмир «Поколение-2023» дип исемләнгән Халыкара конкурс-фестивалендә җиңеп I дәрәҗәдәге дипломга лаеклы булдылар. Афәрин, укучылар!!!

17 нче апрельдән 22 нче апрельгә кадәр гимназиябездә психология атналыгы үткәрелде. Педагог- психолог Гуменюк Лилия Салимҗановна 3Б сыйныфында "4 метафорик портрет" арт-терапия техникасын уздырды. Әлеге техника үзеңне яхшырак белергә, үз шәхесеңнең төрле якларын ачырга мөмкинлек бирә. 4В сыйныфында "Эмоцияләр белән ничек дуслашырга" дигән тренинг үткәрелде. Максаты: үз хисләрең белән идарә итү сәләтен формалаштыру һәм үстерү. Ә инде 5А сыйныфы укучылары әти- әниләре белән берлектә "Минем әйләнә- тирәм" дигән темага стенгазеталар ясадылар.