Яз - ул табигатьнең уяну вакыты гына түгел, чисталык һәм тәртип урнаштыру вакыты да.
Бөтен Рәсәй буенча җыештыру икеайлыгы башланып китү уңаеннан гимназиябездә дә язгы өмә булды. 5-11 нче сыйныф укучылары һәм аларның сыйныф җитәкчеләре мәктәп яны участогын, көнкүреш чүп-чарыннан, яфраклардан, коры үләннән спорт мәйданчыкларын җыештыру буенча эш алып бардылар. Территорияне чистарту буенча өмә үткәрү өчен генераль җыештыру чаралары планы төзелде, өмәдә эшләгәндә куркынычсызлык техникасы буенча инструктаж үткәрелде. Кирәкле инвентарь белән коралланып, балалар, педагоглар, гимназия хезмәткәрләре территорияне бик теләп тәртипкә китерделәр.
"Чисталык үзебез өчен" - ди, алар.

4 нче чирек дәүләт флагларын күтәрүдән һәм гимн җырлаудан башланып китте. Рәсәй һәм Татарстан гимннарын башкарганнан соң укучылар белән "Мөһим сөйләшүләр" үткәрелде. "Мөһим сөйләшүләрнең" темасы җир көненә багышланган иде. Төп максат- экологик проблемаларга битараф булмау. Укучылар әлеге тема буенча фикер алыштылар, видеоязма карадылар, рәсемнәр ясадылар.

Бүген гимназиябездә зур чара булып узды. Якутиядән килгән делегация белән "Яңартылган Федераль дәүләт белем бирү стандартлары нигезендә уку процессын оештыру" дигән тема астында стажировка уздырылды. Килгән кунаклар гимназиябезнең уку һәм тәрбия эше белән таныштылар: ачык дәресләр һәм дәрестән тыш эшчәнлек буенча мастер - класслар карадылар. Программа ахырында тәҗрибә алмашу - мастермайнд оештырылды. Якутиядән килгән делегация тәҗрибә белән уртаклашкан өчен рәхмәтләрен белдерделәр. Ә без үз чиратыбызда әлеге чарада катнашкан барлык укытучыларга һәм укучыларга зур рәхмәтләребезне җиткерәбез!!!

Бүген, Шәрыкъ клубында "Балалар китабы" көне уңаеннан Салават күпере журналы оештырган бәйрәмдә - 1 А сыйныфы укучысы Шакирова Зилә кунакта булып кайтты.

Буген лагерьның 6 нчы көне, сәламәтлек көне буларак игълан ителде. Балаларга сәламәтлекне саклау серләре турында әңгәмә узды, күңелле стартлар оештырылды. Аннан тыш, Сөмбел Арсеновна һәм Фәния Наилевна пластилиннан геометрик фигуралар ясаттылар.
Көн ахырында лагерьның беренче көненнән башлап үзен актив күрсәткән, барлык чараларда да теләп катнашкан һәрбер укучы диплом һәм кечкенә бүләкләр белән бүләкләнде.

Лагерьның 5 нче көне "Рәсәй- минем туган илем" дип исемләнгән девиз астында башланып китте. Туган ил ул - Ватан. Бу көнне укучылар "Тынычлык күгәрченнәрен" плакатка төшереп, үз теләкләрен яздылар. Шулай ук ике төркемгә бүленеп дәүләт символларын ясадылар. "Илебез һәрчак тыныч, имин булсын"- ди, алар.

Лагерьның 4 көне "Сәламәт тәндә- сәламәт акыл" девизы астында узды. Укучылар белән кызыклы эстафета уздырылды. Шулай ук укучылар "Пирамида" күңел ачу комплексында "Кто принцессу поцелует?" спектаклен карап кайттылар.

Лагерьның 3 нче көнендә Эльмира Әлфисовна һәм Фәридә Гайнетдиновна укучылар белән "Күңелле балачак илендә" дип аталган музыкаль уен үткәрделәр. Укучылар җырны танып - белү, бию буенча үзләренең сәләтләрен күрсәттеләр. Лилия Гансовна һәм Рушания Мингазовна укучыларга " Минем хыялымдагы шәһәр" дип аталучы мастер - класс күрсәттеләр. Соңыннан балалар әлеге мастер- класс буенча макет ясадылар.

27 нче март көнне гимназиябезнең 6Б сыйныфы укучылары Валеева Алимә һәм Жданова Диләрә "Минем гаиләм тарихы" дип исемләнгән төбәкара конференциядә катнашып кайттылар. Әлеге чарада уңышлы чыгыш ясап Алимә җиңүче дипломына, Диләрә актив катнашкан өчен сертификатка ия булдылар. Укучыларны һәм җитәкчеләре Гөлназ Мәҗитовнаны зур җинүләре белән котлыйбыз!!!

Бүген, М. З. Зәкиев исемендәге фәнни - гамәли конференциядә катнашып 2В сыйныфы укучысы Сәяфетдинов Кәрим лауреат исеменә лаек булды. Афәрин, котлыйбыз!