Белем бэйрэме – балачак хатирәсе булып һәрберебезнең күңел түрендә саклана торган көн ул. Иң матур кеше – белемгә омтылган кеше. Белемдә – бәхет, белемсезгә – дөнья ләхет, ди бит татар халык мәкале дә. Шуңа күрә һәрчак белемле булыйк, белемгә омтылыйк! Быел беренче мәртәбә парта артына утыручылар тырышып укысын, бетмәс-төкәнмәс белем хәзинәләрен ачсын. Кайгыртучан укытучыларыбызга изге эшләрендә уңышлар һәм сабырлык юлдаш булсын.
 

Хөрмәтле, Рушания Бәдретдиновна! Сезне чын күңелдэн шундый матур исем алуыгыз белән тәбрик итәбез!!! Бу билгегезнең рәхәтен күреп, тагын да зуррак, дәрәҗәлерәк исемнәргә лаек булырга язсын!!! Ихтирамыбыз иксез-чиксез сезгә, барсы өчен дә зур рәхмәт, киләчәктә дә шулай матур итеп эшләргә язсын!!!

Буген безнең гимназиябезнең хөрмәтле укытучысы Римма Мидхатовна Республикабыз рәисе Рөстәм Нургалиевич тарафыннан "Народный учитель РТ" мактау исеменә лаек булды!!!  Римма Мидхатовна, сезне чын куңелдән котлыйбыз!!! Сез - уз эшегезнең остазы, профессионалы!!! Сезгә  тугры хезмәтегез өчен зур рәхмәт!!! Сезнең белән горурланабыз, сокланабыз, яратабыз һәм чиксез хөрмәт итәбез!!! Бик зуууур рәхмәт Сезгә!

23 нче июнь көнне мәккәзебез Казанда "Рәсәй эше", "Мөмкинлекләр заманы" дип исемләнгән Бөтенроссия эшкә урнаштыру ярминкәсе булып узды. Чара Горки- Әмәт ял паркында 13.00 -16.00 сәгатькә кадәр дәвам итте.
Ярминкәдә эш табарга һәм әңгәмә узарга; хезмәткәрләр табарга һәм сайлап алу үтәргә; карьераны үстерү мөмкинлекләре һәм яңадан укыту программалары турында белергә; резюмены ничек дөрес итеп төзергә өйрәнергә; профориентациягә тест узарга бик зур мөмкинлекләр тудырылган һәм шулай ук кунаклар өчен уеннар, мастер-класслар, тренинглар һәм башка бик күп нәрсәләр дә оештырылган иде" -дип, җиткерде "Татар-информ" матбугат конференциясендә ТР хезмәт, мәшгульлек һәм социаль яклау министры Эльмира Зарипова.

Җәй – ул үзе бер тормыш. Баланың жәйге ялы истә калырлык, кызыклы һәм матур, вакыйгаларга бай итеп үтсен дисәгез, әлбәттә лагерьга йорергә кирэк! Лагерь - ул балаларны тәрбияләү, аларны төрле чараларга җәлеп итү өчен менә дигән урын.
Бу – уку елы дәвамында арыганнарны бетерү, яңа көч туплау, сәламәтлекне ныгыту, балаларның иркенләп бер-берсе белән аралашу очен бердәнбер мөмкинлек.
Безнең гимназиябездә дә көтеп алынган "Галәм - Сamp" дип исемләнгән җәйге лагерь үз эшен башлап җибәрде. Көн дәвамында төрле чаралар булды.
Кыскасы, лагерьның беренче көне күңелле, кызыклы һәм шул ук вакытта файдалы узды дисәк тә дөрес булыр. 

Күптән түгел 5а һәм 8а сыйныфы укучылары җитәкчеләре белән берлектә Ижевск шәһәрендә сәяхәттә булып кайттылар. Шәһәр буенча йөреп, аның тарихы белән таныштылар, хәрби корал җитештерү заводы барлыгы турында белделәр, зоопаркта яшәүче хайваннарны күзәттеләр." Зоопаркта иң ошаганы тюленьнәр белән тамаша булды"- ди алар. Балалар күңелендә онытылмас мизгелләр калдырган Ижевск шәһәре биографиясенә күз салу һәркемне кызыклы мәгълүматка баетты.

Бүген 5А сыйныф укучылары «Иске-Татар бистәсе: вакыт буйлап хәрәкәт» дип исемләнгән экскурсия-квестка барып Казан тарихы буенча белемнәрен тулыландырып кайттылар.
Иске Татар бистәсендә яшәгән сәүдәгәрләр, мәгърифәтчеләр язмышы, Юнысов мәйданы, Мәрҗәни, Апанай мәчетләре тарихы һәм Кабан күленең серләренә багышланган экскурсиянең иң кызыклы өлеше квест булды.
«Балалар мавыктыргыч биремнәр лабиринты үткәндә Казан татарларының элек ничек яшәгәннәре, күренекле сәүдәгәрләр династияләре һәм аларның тарихи биналары турында кызыклы фактлар белделәр. Кабан күле серләре белән таныштылар. Әлеге сәяхәттән соң Казанның матур урыннары белән танышуны дәвам итәргә теләкләребез туды» - дип бүлеште сыйныф җитәкчесе Гөлчәчәк Әсхәтовна.

Күптән түгел 1б, 1в, 1г сыйныфы укучылары
Биектау районы Ямашурма авылы җирлегендә урнашкан "Страус-парк"та кызыклы, күңелле сәяхәттә булып кайттылар.
"Монда кошларның иң экзотик һәм матур төрләренең берсе - Африка страусларын күрергә мөмкин.
Экскурсиядән соң страуслар белән фотога төшәргә, аларны кишер, алма яки кәбестә белән сыйларга да була.
Мондый җәнлекләрдән тыш, монда башка кызыклы хайваннар да күп - кәҗәләр, казлар, тавыклар, атлар һәм башка хайваннар. Бигрәк тә балаларга бу бару истә калачак. Алар хайваннар белән аралашудан соклану тойдылар. Анда яшәүчеләрнең барысын да тотып кына калмыйча, ашатып та була бит. Кызыктыргыч экскурсия барышында үзебез дә китап битләрендә табылмаган күп кенә файдалы мәгълүматны белә алдык"- ди, 1б сыйныфы җитәкчесе Лилия Гансовна.

Шатлыклар күңелебездә,
Ак кояш күгебездә.
Килегез, дуслар, кунакка:
Сабантуй бүген бездә!
24 нче май көнне 1а сыйныфы табигатькә чыгып бик күңелле "Сабантуй" бәйрәме уздырды.
"Сабантуй — ул хезмәт, дуслык һәм әлбәттә инде һәркемнең көтеп алган изге бәйрәме. Сезне шушы бәйрәм белән чын күңелдән котлыйбыз! Илебезгә, җиребезгә тынычлык, гаиләгезгә иминлек, саулык телибез!" - дип үз теләкләрен белдерде сыйныф җитәкчеләре, Гөлфия Рөстәмовна.
Милли бәйрәмебез - Сабантуй ачык дип игьлан ителә!

24 нче май көнне 4б сыйныфы укучылары 7нче номерлы янгын сүндерүчеләр бүлегендә сәяхәттә булып кайттылар. Алар янгын сүндерүчеләрнең героик эшләре турында күп кенә яңалыклар белделәр, техника белән таныштылар, уку кабинетларында, ял бүлмәсендә булдылар. Һәм әлбәттә инде үзләрен дә бу эштә сынап карадылар.
"Янгын сүндерүче көчле, кыю, җитез, акыллы булырга тиеш, чөнки ут белән көрәштә ул гомерне куркыныч астына куя.
Кешеләрне коткару - авыр һәм мөһим эш" - ди, сыйныф җитәкчеләре Рушания Мингазетдиновна