Бүген Космонавтика көненә 4А сыйныф укучылары "Йолдызлы күк хәзинәләре" сәяхәтендә булдылар. Әлеге чарада укучылар галәмне өйрәнү тарихы, космоска беренче очыш, Кояш системасы планеталары турында таныштылар.Табышмакларны һәм кроссвордны
чишкәндэ астрономия, инженерия өлкәсендә үз белемнәрен кулландылар. Шулай ук Галәм темасына багышланган китап күргәзмәсе белән дә таныштылар. Әлеге чараны оештырган өчен китапханәче Зөлфия Рафаильевнага зур рәхмәт!!!

Шулай ук, бүген дә гимназиябез укучылары Идел буе районы яшүсмер кызлар арасында оештырылган бадминтон ярышында катнашып 3 нче урынга лаек булдылар. Афәрин, укучылар!!! Сезне бу җиңүегез белән кайнар котлыйбыз!
Менә бит, булганнан бар да була!

Бүген 10 нчы сыйныф укучылары Казан дәүләт архитектура-төзелеш университетында булып кайттылар.
Очрашуның төп максаты - уку профилен һәм булачак һөнәри эшчәнлек өлкәсен сайлауда иде.
Экскурсия вакытында укучыларга университетта укуның төп юнәлешләре һәм өстенлекләре турында сөйләделәр, заманча җиһазлар һәм лабораторияләр белән җиһазландырылган фәнни-мәгариф үзәкләрен күрсәттеләр.
Укучыларыбыз бу очрашудан бик канәгать калдылар һәм КГАСУның фәнни-мәгариф үзәкләре буенча үткәрелгән экскурсия өчен рәхмәт белдерделәр.

Бүгенге "Мөһим сөйләшүләрнең" темасы космонавтика көненә багышланды. Укучылар беренче очучы-космонавт Ю. А. Гагарин язмышы һәм аның космоска тәүге очуы белән таныштылар.

Бүген гимназиябез укучылары Идел буе районы яшүсмер егетләр арасында оештырылган бадминтон ярышында катнашып 5 нче урынга лаек булдылар. Афәрин, егетләр!!!

Бүген белем бирү учреждениеләре базасында ел саен Бөтенрәсәй буенча үткәрелә торган «Тоталь диктант» акциясе узды.
Бу акциядә безнең 10 нчы сыйныф укучылары да катнашты.
"Акциянең төп максаты - яшьләрне һәм халыкны рус телен популярлаштыру һәм грамоталылыкны арттыру мәсьәләләренә җәлеп итү"- ди, укыту эшләре буенча директор урынбасары Лилия Газинуровна

Кеше өчен сәламәтлек- төп кыйммәтләрнең берсе. 7 нче апрель- Бөтендөнья сәламәтлек көне билгеләп үтелә. Гимназиябез дә бу бәйрәмнән читтә кала алмады. Шул уңайдан 3Б сыйныфы укучылары белән "Сәламәтлек иленә сәяхәт» дигән күңел ачу чарасы уздырылды. Укучылар табышмаклар чиштеләр, мәкальләр төзеделәр, шәхси гигиена әйберләрен сортладылар, эстафетада ярыштылар. Шулай ук "Ни өчен үлән чәйләре файдалы? Ни өчен витаминнар эчәргә кирәк?" дигән сорауларга җаваплар эзләделәр, гигиена таләпләрен дөрес үтәргә, файдалы ризыкларны сайларга өйрәнделәр. Ә инде хәрәкәтле уеннар аларны уңай эмоцияләр белән тулыландырды. Әлеге чараны уздырган өчен Зөлфия Рафаильевна һәм Әлфия Гомәровнага зур рәхмәтләребезне белдерәбез!!!

3 апрельдән 7 апрельгә хәтле гимназиябездә "Дөрес туклану" атналыгы дәвам итте. Сыйныф сәгатьләрендә укучылар белән "Дөрес туклану- сәламәтлек нигезе" темасына сөйләшү алып барылды. Укучылар төрле видеоязмалар карадылар, табышмакларга җаваплар эзләделәр, сәламәтлек турында викторинада катнаштылар.

4 нче апрель көнне гимназиябездә "Террорга - юл юк!" дип исемләнгән эвакуация булып узды. Әлеге эвакуациядә укучыларның ничек дөрес итеп үз-үзләрен саклавы, яшеренүләре төп максат булып саналды. Киләчәктә дә мондый эвакуацияләр өйрәнү өчен генә булсын иде дигән теләктә калабыз! Илләребез, көннәребез тыныч булсын!

Бүген гимназия базасында Татарстан Республикасы Мәгарифне үстерү институты тарафыннан Вахитов һәм Идел буе районнарының гомуми белем бирү оешмалары җитәкчеләре өчен "Җитәкчеләр мәктәбе: идарә итүнең нәтиҗәле практикалары" программасы буенча квалификация күтәрү курслары уздырылды.