Яр Чаллы шәһәре М. Вахитов исемендәге икенче гимназиянең 2-11 нче сыйныф укучылары, ата-аналары, киң җәмәгатьчелек вәкилләре тугызынчы тапкыр уздырыла торган"Татарча диктант -2025" Халыкара акциясендә катнаштылар. Гимназия мәйданынчында 700 артык кеше бөек мәгърифәтче Каюм Насыйри хезмәтеннән алынган текст буенча диктант язды. Әлеге диктант текстының эчтәлегендә кешенең сөйләм куәте һөнәр дип бәяләнә, ир баланы татлы, мәгънәле, урынлы сөйләмгә өнди . Диктант яздырырга гимназиягә мәртәбәле җәмәгать эшлеклеләре: Яр Чаллы Язучылар берлеге рәисе Факил Сафин, журналистлардан Резидә Ганиева, Сәрия Гарипова, җырчылардан Сәрия Нәбиуллина, Илзирә Ибраһимова, А. Гыйләҗев исемендәге Яр Чаллы татар драма театрыннан Татарстанның Халык артисты Илфат Әскаров һәм театрның Әйдәп баручы артисты Лилия Минһаҗева катнашты. Акцияне ачу тантанасында әлеге мөхтәрәм затлар, матур җырлар, шигырьләр, тирән эчтәлекле мөрәҗәгатьләр белән чыгыш ясап, чарага бәйрәм төсе керттеләр. Гимназия укытучылары, нинди фән укытуларына карамастан, барысы да татарча диктант яздырдылар. Әлеге акцияне оештыруда башлап йөрүчеләр, әлбәттә,гимназия директоры Лиза Нәбиуллина, тәрбия эшләре буенча директор урынбасары Энҗе Нурисламова, татар теле һәм әдәбияты укытучылары Суфия Валеева белән Нәзлия Фатыйхова, тәрбия эшләре буенча директор киңәшчесе Айсылу Мухаметова, педагог- организатор Ильмира Димерйел булды. Бүгенге чара безнең аңыбызда, кем генә булуыбызга карамастан " мин татар бит, телем - камил, бизәкле, матур тел" дигән фикерне тагын бер кат ныгытты.

"Яшьләр сәламәт яшәү яклы" ("Молодежь за здоровый образ жизни") акциясе кысаларында гимназия укучылары каршында Яр Чаллы наркология диспансеры табиб- психологы Гүзәл Мортазина чыгыш ясады. Укучылар кеше сәламәтлегенә алкоголь, электрон сигаретлар зыяны турында видеороликлар карадылар, лектор һәр эпизодны тормыштан алынган мисаллар белән җентекләп аңлатып барды. "Сәламәтлекне яшьтән сакласаң, үзеңне начар гадәтләргә күнектермәсәң, киләчәгеңнең матур булачак, шуны аңласагыз иде. Җәмгыять аек акыллы, тәрбияле яшьләр кулында булырга тиеш",- дип чыгышын тәмамлады Гүзәл Мортазина. Әлеге профилактик чара яшүсмерләр өчен бик мөһим чараларның берсе булды.

Көзге каникул чорында 2"Б" сыйныфы "Шаги добра' тимурчылар отряды ЯһБИҮ оештырылган, Яр Чаллы шәһәренең 400 еллыгына багышланган "Будущее начинается здесь" кысаларында уен программасында уңышлы чыгыш ясады.

Октябрьнең соңгы көнендә "Профессионаллар"төбәкара чемпионытының шәһәр этабы бәйгесенә старт бирелде. Ярышта 5-6 нчы сыйныф укучылары велосипед сүтеп-җыю буенча көч сынаштылар. Бәйгедә икенче гимназиянең 6 нчы сыйныф укучысы Шамсетдинов Азат катнашты, сынау этабын җиренә җиткереп башкарып чыкты. Аны әлеге ярышка гимназия базасында эшләп килүче " J-GET” клубы укытучы-тренеры Гараев Айнур Гафур улы әзерләде. Хәзер барыбыз да бераз дулкынланып нәтиҗәләр көтәбез, Азатка Һәм остазына уңышлар телибез.

Гимназиядә Зур этнографик диктант узды. Әлеге чарада актив катнашучыларның яшь аралыгы 12 яшьтән башлап 16 яшькә кадәр 165 укучы иде . Укучылар өчен каралган 20 сораудан бары берничәсе генә кыенлык тудырды. Сораулар кызыклы, төрле милләтләрнең тарихына, йолаларына, киемнәренә, көнкүрешенә караган иде. Халыклар бердәмлеге көне уңаеннан уздырылган чара Россиядә яшәүче халыкларны берләштерә, бер- берсенә игътибарын арттыра, үзара дуслык җепләре суза. Гимназия укучылары, әлеге чарада берничә ел рәттән катнашып, гражданлык позицияләрен күрсәтәләр.

Помните! Если вам звонят и тревожным голосом сообщают, что ваш близкий попал в беду, либо вы выиграли приз, либо вам положена какая-то компенсация, не верьте - это МОШЕННИКИ!

Никогда не проходите по ссылкам, присланным с незнакомых номеров!

Никому не сообщайте ПИН-код вашей банковской карты!

Завершена 5 смена учебно-методических военных сборов Авангард, в смене приняли  участие 70 ребят из Набережных Челнов.

Гимназия укучылары Ильяс Халиков җитәкчелегендәге "Минбар" дини театр коллективы әзерләгән "Аклыкка илтә юллар" исемле спектакль карадылар. Спектакльдә буыннар бәйләнеше, әхлакый кыйммәтләр, иманга кайту проблемалары күтәрелә. Зирәк Хәкимҗан бабайның бай тормыш тәҗрибәсе Рома-Рамазанның эчке каршылыгын уңай якка үзгәртүе- яшь буынның өметле булуына ишарә. Кеше туган нигезе, туган теле, тарихы, әби-бабай тәҗрибәсе, ата-ана мәхәббәте, гүзәл холкы белән тормышта җан тынычлыгына ирешә ала. Моның өчен үзеңне сабырлыкка, өлкәннәргә карата хөрмәтле булырга, физик һәм рухи яктан чвныктырырга әзер булырга, үз өстеңдә эшләогә өйрәнергә кирәк. Спектакльдә Ильяс Халиков башкаруындагы җырлар сәхнәдә күтәрелгән проблемаларга җавап булып яңгырый. Укучыларга спектакль бик ошады.

Гимназиянең "Мәхәббәт" КВН командасы яшәрде: Рәсим Шәйхетдинов җитәкчелегендәге зурлар командасы үзләренә алмаш команда оештырдылар һәм, олыларча кайгырту күрсәтеп, беренче чыгышларында алар белән янәшә сәхнәдә чыгыш ясадылар. Бу - дәвамчанлыкның гүзәл үрнәге. Маузер Гыйниятуллин Кубогы уенында катнашып, икенче урын алган гимназиянең КВН командасы тамашачылар мәхәббәтен казандылар, гимназия данын якладылар! Афәрин! Уңышлар!

Гимназиядә "Мәктәп- куркынычсызлык һәм сәламәтлек территориясе" темасына багышланган ата- аналар җыелышы булды. Җыелышта Яр Чаллы педагогия университеты идарә җитәкчесе Галиев Ленар Мирзанур улы яшусмерләрне ничек экстремизм, терроризм, деструктив сайтлар, Интернет челтәрләр аша башкарыла торган җинаятьләрдән саклап калу хакында җентекләп сөйләде. Дүртенче санлы Электротехниклар полиция бүлеге майоры Ләйлә Габитҗанова яшүсмерләр катнашында тәртип бозу очракларын кисәтү хакында чыгыш ясады. Ата-аналарга Татарстан Республикасы Юл иминлеге дәүләт инспекциясе әзерләгән видеороликлар күрсәтелде. Куркынычсызлвк ае кысасында узган җыелыш ата- аналар өчен мәгълүмати, файдалы, кызыклы булды.