Бу  атна дәвамында  мәктәптә “Балалар китабы” атналыгы бара. Укучылар һәр  көн  план буенча  үткәрелә торган чараларда катнашып киләләр.  Атналык  “Китап –белем  чишмәсе” дигән  китапханә дәресе белән башланып китте. Китапханәче Мухаметзянова А.М. укучыларга  балалар китабы хакында дәрес-презентация үткәрде. Икенче көн “Минем  яраткан әкиятем”дигән темага  кечкенә китапчыклар ясау буенча бәйгесе  оештырылды. Укучылар  теләп, кызыксынып башкардылар бу эшне. Бәйгеләрдә  җиңүчеләр  атналык ахырында билгеләп үтеләчәк.

20-21 март көннәрендә  районда  “Без бергә” балалар иҗат фестиваль-конкурсының  җыр, бию һәм нәфис сүз (шигырь) номинацияләре буенча  бәйгеләр булып узды. Анда безнең мәктәптән дә педорганизатор  Мухаметзянова А.М. җитәкчелеге астында , җыр буенча 2 -сыйныф укучысы  Гайнуллина З., шигырь сөйләү буенча 3- сыйныф укучысы  Рахимова Т.- бию буенча 10 –сыйныф укучылары Фахертдинова А. Һәм Рублева Л. катнашып 2-3 нче урыннарны яуладылар. Фотоконкурс (“Родные просторы”)буенча- 8 –сыйныф укучысы Тимирова Г., декор.-прикл.изделие конкурсы буенча 7 –сыйныф укучысы-Багабиева Г.-3нче урыннарны алдылар. Укучыларга алга таба да уңышлар телибез.

19 март көнне мәктәптә “Туган якны өйрәнү” түгәрәгенә йөрүче укучылар (түгәрәк җиәкчесе Мухаметзянова А.М.) “Сәламәтлек - зур байлык” дип исемләнгән чара оештырдылар. Бу чара укучыларга сәламәт яшәү рәвешен пропагандалау максатын үз эченә алды.Укучылар  режим,  начар гадәтләргә каршы көрәш, дөрес туклану, зарядканың файдасы, туган ягыбызда үсә торган дару үләннәре, аларны ничек куллану , чисталык, спорт белән шөгыльләнүнең  сәламәтлек өчен иң кирәкле нәрсә икәнлекләрен аңлатып бирергә тырыштылар. Чара “Сәламәтлек иленә җәяүле сәяхәт” формасында үтте. Балалар бергәләп музыка астында зарядка ясадылар, кызлар спорт биюен, дару үләннәре хакында “Шәфкать бабай”белән бергәләп сәхнәләштерелгән өзекләр күрсәттеләр. Ахырдан  һәркемгә сәламәт яшәү рәвешен сайларга , елмаеп яшәргә өндәделәр һәм сәяхәтне “Елмаю”җыры белән тәмамладылар.Сәяхәт эчтәлекле һәм һәркем өчен файдалы булды.

15 март көнне «Халыкара елгалар көне” кысаларында 7,8,9 сыйныфлар арасында экологик акция уздырылды (укытучы Гарипова А.И.). Чара укучыларның чыгышы белән үрелеп барды. Чара ахырында “Суларның пычрануы”, Су безнең тормышта” дигән видеофильм күрсәтелде. Үткәрелгән чарабыз укучыларда суларга карата уңай караш - изге гамәлләрнең берсе икәне аңлатылды.

Патриотик һәм физик тәрбия айлыгы кыссаларында укучыларда Армия турында уңай фикер туплау, патриотик хис булдыру максатыннан башлангыч сыйныф укучылары авыр солдат хезмәтендә булып, туган җирләренә зур чыныгу мәктәбе узып кайткан солдат егетләр белән очрашу - чын күңелдән сөйләшү булды. Алар үзләренең Армия сафларында хезмәт итүләре турында сөйләделәр, укучыларны кызыксындырган бик күп сорауларга җавап бирделәр. Бу сөйләшү күңелле спорт ярышлары белән аралашып барды. Башлангычларда очрашу бик уңай тәэсир калдырды.

7 март көнне  педагог-организатор Мухаметзянова А.М. һәм физкультура укытучысы Демидов.Е.М. “Спорт һәм без” дип аталган  бәйрәмгә багышланган чара оештырдылар. 5-10 сыйныф  кызлары  ике командага бүленеп төрле конкурс-ярышларда көч сынаштылар. Үзләрен җитезлек, тапкырлыкта сынадылар. Ә ял  вакытында 4 нче сыйныф кызлары спорт  биюен бүләк иттеләр.Җанатарлар исә көч биреп утырдылар.Нәтиҗәдә “Елмаю”командасы җиңү яулады

5 март көнне башлангыч сыйныфлар "Гаилә бәйрәме" үткәрделәр. Һәр сыйныфтан 1 гаилә катнашып, төрле спорт ярышларында үз көчләрен сынадылар. Бәйрәмгә башка әти-әниләр дә чакырулы иде, алар җанатарлар ролен үтәде.

1 март көнне Югары Арбаш мәктәбендә "Эзләнүләр аша камиллеккә" дигән фәнни-гамәли конференциядә безнең мәктәптән 7 сыйныф укучысы Багабиева Гөлнур (җитәкчесе Мухаметзянова А.М.) фәнни-әзерләнү эше белән катнашып 3нче призлы урынны яулады. Шулай ук 10нчы сыйныф укучысы Рублева Людмила да эзләнү эше буенча 3нче урынга лаек булды (җитәкчесе Гарипова А.И.). Укучылар грамота һәм истәлек бүләкләре белән кайттылар. Бу кызлар "Фабрика идей" номинациясендә дә катнашып, шулай ук грамоталар белән бүләкләнделәр. Кызларга алга таба да уңышлар телибез!

22 февраль көнне башлангыч сыйныф укучылары, укытучылары һәм ТИН укытучысы Хамидуллин Р.Р. кышкы табигатькә сәяхәт ясадылар. Укучылар бик теләп таудан чана шудылар, төрле кызыклы уеннар уйнадылар. Көн ахырында учакка асып пешерелгән пилмәннән авыз иттеләр, чәй һәм тәм-томнар белән сыйландылар. Сәяхәт бик күңелле узды.

    Һөнәр сайлау - кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Югары сыйныф укучыларына һөнәри юнәлеш бирү, киләчәктә уңышлар шәхес булып формалашуларына ярдәм итү максатыннан 17 февраль көнне республикабызның төрле һөнәри көллиятләре, югары уку йортларында белем алучы студентлары белән традицион очрашу кичәсе үткәрелде. Кунаклар үзләре укыган уку йорты, аңа керү шартлары белән танышдырдылар, үзләренең ирешкән уңышлары турында сөйләделәр.