25 апрель көнне мәктәптә “Музейлар язы-2018”акциясе кысаларында  “Тукай безнең күңелләрдә!”  дип исемләнгән  “Туган якны өйрәнү” түгәрәгенә (җит.Мухаметзянова А.М.) йөрүче  укучылар  белән чара үткәрелде. Тукай китапларыннан күргәзмә оештырылды. Ә икенче көнне-  26 апрель акцияне йомгаклау көне иде.Бу көнне без “Татар җыры” фестивале һәм Тукай шигырьләрен сәнгатьле итеп сөйләү бәйгесе оештырдык.Һәм  нәтиҗә ясадык.Башлангыч сыйныфлар арасында иң оста сөйләүчеләр : Самигуллина Нәргизә (2 кл), Рахимова Таңсылу (3 кл), Юзмиева Зилия (4 кл), урта сыйныфларда исә Кадирова Ильзирәгә (6 кл), ә югары сыйныфларда Рублева Ленизага (10 кл) тиңнәр булмады. “Татар җыры” бәйгесендә исә Гайнуллина Зәлинә (2 кл), 6 сыйныфларның хорлары, һәм 10 сыйныфтан Фахертдинова Айсылулар җиңүче булдылар. Акция барышында  оештырылган эшләр һәм нәтиҗәләр буенча музей җитәкчесе сөйләп узды, акциядә катнашкан һәр укучыга, сыйныфларга рәхмәт белдерде.

24 апрель көнне “Музейлар язы-2018” акциясе кысаларында Лев Толстойның 190 еллыгына багышланган дәрес-презентация, викторина  үткәрелде. Китапларыннан күргәзмә оештырылды.

23 апрельдә  “Татарстанда музейлар язы-2018” акциясе кысаларында  мәктәпнең “Туган якны өйрәнү музее”на экскурсия оештырылды.Укучыларны  музей җитәкчесе  туган ягыбызның күренекле шәхесләре, аларның тормыш юллары, иҗатлары белән таныштырды.Кызыксындырган сорауларына җавап бирде.

 Аннан  музей җитәкчесе Мухаметзянова А.М. туган ягыбыз горурлыгы дөнья әдәбияты һәм җәмәгатьчелекнең олы шәхесе Чыңгыз Айтматов турында дәрес-презентация үткәрде.

22 апрель – “Музейлар язы- 2018”акциясе кысаларында “Шәфкатьлелек көне” итеп игълан ителгән иде. Бу көнне укучылар өлкәннәргә, ярдәмгә мохтаҗларга булышырга бардылар, хәлләрен белештеләр. Өлкәннәргә карата ихтирам-хөрмәт күрсәтү, изге эш башкару күңелгә нинди рәхәтлек бирә- һәр укучы моны аңлап эшли.

21 апрельдән мәктәптә “Татарстанда музейлар язы-2018” акциясен ачып җибәрдек. Музей җитәкчесе Мухаметзянова А.М. укучыларны акция планы белән таныштырды.Акция кысаларында узачак чаралар хакында сөйләп үтте. 2018 елның волонтерлар елы булуы хакында , алар кемнәр , нинди эшләр башкаралар , шулар турында аңлатып узды.

Бүген, 14 апрелдә, “Балалар китабы” атналыгына йомгак ясалды. Укучылар  китапханәче Мухаметзянова А.М. белән китапның  һәркем өчен иң кирәкле әйбер , китап уку- иң мөһим эшләрнең берсе булуы хакында  әңгәмә кордылар. Атналык кысаларында “Иң күп китап укучылар” бәйгесе, “Китап докторлары” кебек игелекле эшләр дә  оештырылган иде. Иң күп китап укучы булып 3 сыйныфтан Рахимова Таңсылу һәм 6 сыйныфтан Кадирова Ильзирәләр булды.  “Китап докторлары” булып  һәркемнең  дә катнашасы килде  һәм зур активлык  белән “авыру китаплар”га яңадан “җан өрелде”. Мәктәп линейкасында бәйгедә катнашкан укучыларга грамоталар тапшырылды һәм атналыкта актив катнашкан сыйныфлар билгеләнеп  үтелде. Атналык укучылар өчен файдалы һәм кызыклы булып узды.

13 апрель көнне  Арча районы Яңа Кенәр урта гомуми белем мәктәбендә  “Шушы яктан , шушы туфрактан без” дип исемләнгән фәнни-гамәли конференция булып узды.Анда безнең мәктәптән  8 нче сыйныф укучысы Тимирова Гүзәл  (җитәкчесе  Мухаметзянова А.М.) катнашып 3 урынны яулап кайттылар. Гүзәлгә  диплом һәм  истәлек бүләге тапшырылды.

12 апрель көнне башлангыч сыйныф укытучысы Хамидуллина Г.М. башлангыч сыйныфлар өчен "Космоска сәяхәт" оештырды. Укучылар Кояш системасындагы планеталар белән якынрак таныштылар, кәрлә планеталар хакында яңа белемнәр алдылар, беренче космонавтлар турында видео карадылар, оригами стилендә ракета ясадылар.

«Балалар китабы» атналыгының  чираттагы көне  “Әкиятләр иленә сәяхәт”дип аталды.  11 апрель көнне укучылар әкиятләр буенча белемнәрен сынап карадылар. Сәяхәт-уен  үз  эченә кызыклы викторинаны да алды. Соңыннан укучылар татар халык әкиятләрен карадылар.

Бу  атна дәвамында  мәктәптә “Балалар китабы” атналыгы бара. Укучылар һәр  көн  план буенча  үткәрелә торган чараларда катнашып киләләр.  Атналык  “Китап –белем  чишмәсе” дигән  китапханә дәресе белән башланып китте. Китапханәче Мухаметзянова А.М. укучыларга  балалар китабы хакында дәрес-презентация үткәрде. Икенче көн “Минем  яраткан әкиятем”дигән темага  кечкенә китапчыклар ясау буенча бәйгесе  оештырылды. Укучылар  теләп, кызыксынып башкардылар бу эшне. Бәйгеләрдә  җиңүчеләр  атналык ахырында билгеләп үтеләчәк.