Сыйфатлы яшелчә, җиләк - җимеш әзерләүгә мәктәпләрдә күп көч куела. Әзерлек эшләрендә укучыларыбыз да читтә калмый. 

Яңа уку елына әзерлек максатыннан мәктәптә ремонт эшләре башланды. Мәктәбебез укучыларны каршы алырга әзерләнә. 

Районыбызның "Салават купере" спорт -  сәламәтлек үзәгендә төзекләндерү эшләре тәмамланды. Ул безне янәдән үзенә көтә. Гаилә белән  ял итү өчен дә зур мөмкинлек.  Әйдәгез, без дә кушылыйк!

Татар телен өйрәнү, туган телдә сөйләшү, гореф-гадәтләрне, йолаларны искә төшерү максатыннан  Арча районы Яңа Кырлай авылында «Без — Тукай оныклары» исемле лагерь  ачылды. Монда Казахстан, Оренбург, Удмуртия һәм башка регионнардан 300 бала катнаша, алар арасында безнең мәктәп укучысы Шәрәфиева Әдилә дә бар. 

Хөрмәтле райондашлар, авылдашлар! 1,2 июль көннәрендә үткәреләчәк Сабантуйларга көтеп калабыз сезне!

Укучыларыбыз 9 нчы сыйныфны уңышлы тәмамлады. Аларны котлау өчен мәктәбебезгә район вәкилләре, авыл җирлеге башлыгы, әти - әниләр һәм укытучылар җыелды. Укучыларыбызның белемнәре нык һәм төпле. Киләчәктә дә сынатмаслар дип уйлыйбыз.

Бүген лагеребызның соңгы көне. Планыбыз районыбызның матур ял паркы, геройларыбыз өчен куелган истәлекле урыннарында булу. Һәм без район үзәгендә. Көне дә кояшлы, саф. 

Һәркем иҗат эше белән мавыга. Кемдер шигырь яза, кемдер оста итеп пешерә белә, кемдер оста бии, кемдер нәфис сүз сөйли... Шуңа да бүгенге көн "Иң оста" ны билгеләү көне булды. Бүгенге көннең иң остасы - Билалиев Айназ һәм Айнур. Алар кебек иҗат итә белүче бик сирәк. Рәсем дә ясыйлар, пластилиннан да оста итеп әвәлиләр, иң оста спортчылар да булып танылдылар алар бу көнне. 

Казан шәһәренә экскурсиягә баруны ишеткәч, шатлыгыбыз эчебезгә сыймады. Зоопаркка дигәч, тагын да куаныштык. Күбебезнең күптән анда барган юк. Андагы "дусларыбыз"ны күрү  - үзе зур бәхет. Алар белән фотога төшеп, өйдәгеләргә дә читтән сәяхәт ясадык. Көн яңгырлы булса да, кәефебез корылмады. Рәхмәт оештыручыларыбызга!