Белем бәйрәме иң матур бәйрәмнәребезнең башлангычы. Һәркемнең күзләрендә  нур, йөрәкләрендә дәрт, йөзләрендә елмаю. Белем алу теләге белән яңа уку елына аяк басабыз. Теләкләребез, омтылышларыбыз, планнарыбыз  тормышка ашсын. Көннәребез шулай якты, матур булсын. Хәерле сәгатьтә, дуслар!                      

Кайбычта террорчылыкка каршы көрәш комиссиясенең чираттагы утырышы үтте. Утырышта республика һәм районның террорчылыкка каршы комиссияләре кабул иткән карарларның үтәлеше тикшерелде. Әлеге киңәшмәдә мәктәп директоры Зиганшин А.Р. та катнашты.

"Мәктәпкә әзерләнергә ярдәм ит!" акциясе аз керемле һәм күп балалалы гаиләләргә ярдәм йөзеннән оештырыла. Безнең мәктәпнең 4 укучысына спорт һәм форма киемнәре тапшырылды. 

Мәгариф хезмәткәрләренең август киңәшмәсе укыту - тәрбия эшчәнлегендә актуаль мәсьәләләрне чишү юлларын табуны максат итеп куйган. Барыбызның да максат бер - белем сыйфатын арттыру, мәгариф өлкәсендәге кимчелекләрне бетерү. Укытучылар хезмәтенә зур бәя бирелде, бүләкләнүчеләр арасында башлангыч сыйныфлар укытучысы Хасанова М.М. да бар. Котлыйбыз.

Россия Дәүләт флагы көне уңаеннан мәктәп укучылары белән истәлекле чара үткәрелде. Укучыларның Дәүләтебез турында алган белемнәре сыналды. 

Укучылар тәҗрибә участогында практика үтә. Кыш өчен витаминлы яшелчә, җиләк - җимеш бик файдалы. 

Бакчабызда үскән яшелчәләрдән пешекчебез Гайнуллина Ирина тәм - томнар әзерләүнең нинди генә рецептларын белми. Кышка запасыбыз мулдан.

Ведомостьара комиссия мәктәпләрнең яңа уку елына әзерлеген тикшерде. 

Алабуга шәһәрендә үткәрелә торган укытучылар фестивалендә мәктәбебезнең физик тәрбия укытучысы Зиганшин Ф. катнаша.

Кайбыч районы башлыгы Рахматуллин А.И. һәм мәгариф бүлеге җитәкчесе Шакиров И.А. мәктәпнең яңа уку елына әзерлеген карады һәм кайбер хәл ителәсе проблемаларны чишү юлларын тәкъдим итте.