Информатика укытучысы Зиганшин Алмаз Равиль улы интернет челтәрендә бердәм куркынычсызлык дәресе үткәрде.Виртуаль дөнья куркыныч. Балаларны аның тозагыннан сакларга кирәк.Мондый дәресләрнең төп максаты – балаларга интернет аша янаган куркыныч турында аңлату. . Бу бигрәк тә мәктәп укучыларына кагыла. Алмаз Равилевич укучыларны интернет аша үтеп кергән куркыныч, аларның ничек таралуы, әлеге куркынычка каршы көрәшү ысуллары белән таныштылар. Шик  тудырган хатларны ачмаска, браузерның кисәтүен игътибарга алырга; Телефон  номерын сайтларга  кертмәскә, смс-хәбәрләргә җавап бирмәскә; Телефон исәбеннән акча югала башласа, тиз арада операторга хәбәр итәргә. Бөтендөнья пәрәвезе ятьмәсенә эләкмичә, кагыйдәләргә буйсынып сак эш итү - һәрберебезнең бурычы. “Сакланганны саклар” гыйбарәсенә таянып эш йөртү кирәклегенә укучыларыбыз тагын бер кат төшенделәр. Һәрвакыт эшчәнлегеңне үзең контрольдә тотып, интернетны тиешле очракта гына кулланырга кирәклекне бервакытта да хәтердән чыгармаска кирәк.

Бүген безгә Кайбыч муниципаль районының ППҮзәге хезмәткәрләре килде.Логопед Тихонова А.А.,социаль педагог Калашникова А.Ф. 1,5 нче сыйныф укучылары белән адаптация чоры буенча мониторинг үткәрделәр.Шулай ук 9 нчы сыйныф укучылары белән дә әңгәмәләр оштырдылар.

 Мәктәбебезнең тарих һәм җәмгыять белеме укытучысы Татарстан Республикасы Конституциясенә 25 ел тулу уңаеннан Парламент дәресе уткәрде. Әлеге дәрескә Мөрәле җирле үзидарә башлыгы, авыл депутаты Зиннатуллин Ренат Рифат улы да чакырылган иде.Дәрес Татарстан Республикасы гимны һәм Дәүләт советы рәисе Фәрит Мөхәммәтшин сөйләве белән башланып китте.Чара бик эчтәлекле һәм укучыларга файдалы итеп оштырылды.

 Ок­тябрь аен­да Бө­тен­дөнья мәк­тәп ки­тап­ха­нә­лә­ре ай­лы­гы үт­кә­ре­лә. Ай­лык кы­са­ла­рын­да ки­тап­ха­нә­ләр­дә күп ке­нә кы­зык­лы ча­ра­лар уз­ды­ры­ла.  Без­нең мәк­тәп  ки­тап­ха­нә­сен­дә дә  ба­ла­лар­ны ки­тап­ха­нә­гә җә­леп итү, ки­тап­ка, дә­рес­лек­кә сак­чыл мө­нә­сә­бәт бул­ды­ру бу­ен­ча  эш алып ба­ры­ла. Әдә­би әсәр­ләр фон­дын ту­лы­лан­ды­ру мак­са­тын­нан мәк­тәп­кү­ләм «Ки­тап­ха­нә­гә ки­тап бү­ләк ит» ак­ци­я­се үтә. «Дә­рес­лек­не сак­лыйк» рейд­ла­ры ва­кы­тын­да дә­рес­лек­ләр­нең то­ты­шын тик­ше­реп, сак­лау ча­ра­ла­рын аң­ла­тыла. Укы­ган ки­тап­лар бу­ен­ча рә­сем кон­курс­ла­ры, вик­то­ри­на­лар да оеш­ты­рыла.Айлык уңаеннан,мәктәбебез китапханәчесе Садриева Алсу Зөлфәкарь кызы укучылар белән рус һәм татар шагыйрьләренең әсәрләреннән өзекләр сәхнәләштерделәр.

Татарстан Республикасы Конституциясе кабул ителүгә 25 ел тулу уңаеннан укучыларга "Конституция безне яклый" дип аталган ачык чара үткәрелде. Рус теле һәм әдәбияты укытучысы Садриева А.З. укучылар белән җанлы әңгәмә оештырды. Нәкъ 25 ел элек - 1992нче елның 6нчы ноябрендә Татарстан Республикасының Конституциясен кабул итү милләтебез тарихында олы һәм бөтен яктан мөһим көн булуы турында әйтелде.

    Тормышы,  яшәү рәвеше белән һәркемгә үрнәк кешеләр бар. Шундыйларның берсе- мәктәбебездә озак еллар буена җитәкче булып эшләп,  балаларга тарих фәнен өйрәтүче Нәҗиев Марсель абый.  Ул буген олы бәйрәмен - 65 яшьлеген бәйрәм итә. Шул уңайдан 8 нче сыйныф укучылары профсоюз председателе Садриева А.З. җитәкчелегендә 19 октябрь көнне ветеран укытучы Марсель абый Нәҗиевне гомер бәйрәме белән өенә барып тәбрик итте.

Хөрмәтле әти-әниләр! 28 нче октябрьдә Россия Федерациясенең милли ата-аналар ассоцияциясе белән берлектә  Татарстан Республикасы Мәгариф һәм фән министрлыгы Россиякүләм "Укучыларны социялләштерүнең нигезе буларак - ныклы гайлә: проблемалар һәм үсеш юллары" дип аталган ата-аналар форумы үткәрә.Әлеге форумда теләгән әти -әни үзен борчыган сорауларга җавап ала алачак.

Сорауларны түбәндәге адрес буенча бирергә була: 

Айлык кысаларында мәктәптә чаралар еш үткәрелә. ОБЖ укытучысы укучыларны өстәмә материаллар белән таныштыра, практик күнегүләр үткәрүне мөһим дип саный.

Балаларның саф һавада булуы физик яктан камил үсеше өчен бик кирәк. Саф һавада йөрүләр бала организмын чыныктыруда беренчел һәм мөмкин булган чара. Шуңа да башлангыч сыйныф укытучылары бу чараларны даими үткәреп тора.

Күп еллар буена мәктәбебездә рус теле һәм әдәбиятын укытып, лаеклы ялга чыккан ветеран укытучыбыз Камалова Рәйсә Зариф кызының бүген олы юбилее. Мәктәбебезнең профсоюз рәисе Садриева А.З. 8 нче сыйныф укучылары белән аны бәйрәме белән котладылар.