27нче сентябрь- Рәсәйдә тәрбияче һәм мәктәпкәчә яшьтәге балаларга белем бирүче тәрбиячеләр көне. Баланың якын дусты,сердәшчесе,тормышка беренче адымнарын ясарга ярдәм итүче мөгаллиме аерым игътибарга лаек!

Хөрмәтле остазларыбыз! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек,гаиләгездә җан тынычлыгы,тормышыгызда ак бәхетләр һәм сәламәтлек телибез! Барлык балаларыгыз да  тәүфиклы,акыллы булсыннар!

" Җәйләр үтте,көзләр җитте" .Бүген балалар бакча тирәли сәяхәт үттеләр.Көзнең матурлыгын күзәттеләр.

"Туган телем халкымның акыл һәм моң чишмәсе"- дип исемләнгән китаплар күргәзмәсе урнаштырылды

Безнең балалар бакчасында әти-әниләрнең күмәк җыелышы үтте.

1 нче сентябрь- Белем  көне.

Россия мәктәпләренең традицион бәйрәме, әмма мәктәпкәчә яшьтәге балалар да яңа уку елын шатланып каршы ала.

Бүген - Бөек Ватан сугышы башланган көн. Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән.

    Бүгенге көнебез  шөкер ,тыныч, матур яшибез, балаларыбыз сау сәламәт,әти-әни назы белән үсәләр.Күгебез хәрчак шулай аяз булсын.Илләребез тыныч булсын!!!

Сабантуй бәйрәме – татар халкының иң олы бәйрәмнәренең берсе. Ул- хезмәт һәм дуслык бәйрәме. Сабан туе – ул һәр кемнең көтеп алган изге бәйрәме. Бигрәктә балалар өчен зур шатлык. Гореф- гадәтләрне саклап ел саен бакчабызда Сабантуй бәйрәме үткәрелә.Бу ел да балалар өчен матур бәйрәм оештырдык.Балалар  татар халыкының милли уеннарында,ярышларында катнашып җитезлектә,өлгерлектә көч сынаштылар, күңелле ял иттеләр.

Литературная игра " Что прелесть эти сказки ..""

Алсу гөлләргә күмелгән

Безнең тирә-як.

Гүзәл гөлләрдән дә гүзәл

Безнең балачак... (Х.Вахит)

Балаларны яклау көне уңаеннан, безнең балалар бакчасында "Бәхетле балачак" дип исемләнгән күңелле чара үткәрелде. Әлеге чараны тәрбиячеләр саф һавада, кызыклы һәм мавыктыргыч итеп үткәрергә тырыштылар. Төрле уеннар, биремнәр аша балаларның белемнәрен тикшерделәр, төрле кызык хәлләрдән чыгу юлын эзләделәр. 

Безнең балалар бакчасында чыгарылыш кичэсе булып узды. Бәйрәм балалар, мөгаллимнәр, ата-аналар күңелендә матур мизгелләр калдыра. Балаларның бәйрәмдә катнашулары, шигырьләр сөйләве, җырлавы, килешле итеп вальс әйләнүләре һәркемнең күңеленә хуш килә. Балалар үзләрен уңган, зирәк, акыллы итеп таныталар. Сөенечле, моңсу мизгелләр күп булды бәйрәмдә. Әти-әниләр бакчабызга, тәрбиячеләргә, мөгалимнәргә һәм барча бакчабыз хезмәткәрләренә карата матур җылы сүзләр, теләкләр җиткерделәр. Бүген без бакчабызның мәктәпкәчә яшьтәге балаларын тормышның янә бер баскычына күтәрәбез - мәктәпкә озатабыз, һәм киләчәктә дә алар белән горурланырбыз, дип бәйрәмне йомгакладык без.