Ул җир астына төшкән

Кып-кызыл булып пешкән
Ашка тәм һәм төс бирер,

Аны кем белер?

  Бакчабызда үскән чөгендер уңышы мул булды. Бүген чөгендерне чыгардык, базыбызга да салдык.

Безнең бакчабызда кишерләр  дә күп булып үсте. Уңышны бергәләп җыеп алдык. Пешекче апалары балаларга ел буе кишердән  витаминлы  салатлар ясап ашатыр.

Тиен йөри сикереп,

Гөмбә утыра көлеп.

Урманда үскән гөмбәләр

Утырганнар бакчабызга кереп.

  Тәрбиячеләр балаларны гөмбәләр белән таныштырдылар. Зурлар төркемендә балалар ясаган гөмбәләр чын гөмбәләрдән ким түгел.

Бүген безгә Кайбычтан балалар табибы килде. Ул балаларның сәламәтлекләрен тикшерде, төрле киңәшләр бирде.

Саф һавада без уйныйк,

Җитез һәм шаян булыйк!

  Балаларга саф һавада уйнау өчен бакчабызда  бәтен шартлар тудырылган. Тәрбиячеләр төрле уеннар оештыралар,уен мәйданчыгында күнегүләр ясарга да өйрәтәләр.  

Уйныйк әле,

Җырлыйк әле,

Биик әле,әйдәгез!

Кечкенәләр төркемендә тәрбияче Сунгатуллина Е.А. җырлы-биюле уеннар өйрәтә башлады.

Тәрбияче Бикбова З.Ф. балалар белән урамда, юлда йөрү кагыйдәләре буенча әңгәмә үткәрде. Балалар төрле уен-ярышларда актив катнаштылар.

Бүген бәйрәм... бөтен җирдә зур тантана: Белем көне! 

Бүгенге бәйрәмне безнең балаларыбыз да зур дулкынлану белән көтеп алды.  Бәйрәмгә әти-әниләр, кунаклар килде.

Белем бәйрәме сөенечләр, шатлыклар гына алып килсен!

Бакчага баруны зарыгып көттек,

Тәрбияче апаларны сагынып беттек.

Бакчабыз матур безнең!

30 бала.

Шушы якты,матур бакчада

Белем -тәрбия ала.

Мөрәле "Ромашка " балалар бакчасында үткән киңәшмәдә  төрле чыгышлар тыңланды, яңалыклар белән таныштырылды. Киңәшмәдә безнең бакча мөдире Насырова Л.М. катнашты.