Саргайган яфраклар җиргә

Сарылалар сак кына.

Коелган яфракларны

 Өлгерәбез җыеп  чак кына.

 Укучылар белән бергәләп бакчабызда коелган яфракларны җыйдык. 

Көз урманга килде,

Матур урыннар күрде.

Сары яфраклар элде,

Җиргә гөмбәләр тезде.

    Балалар табигый материаллар кулланып  "Урманда көз" композициясе ясадылар. Дугин Александр ясаган композициядә чын гөмбәләр дә урын алган .

Хөрмәтле укытучыларны бәйрәм белән котлыйбыз! Аларга саулык, бәхет ,уңышлар телибез.

Өлкәннәргә рәхмәт укыйк,

Түр башында гына тотыйк.

Өлкәннәрне кадерлик!

Аларга саулык,озын гомер телик!

   Тәрбиячеләр балалар белән өлкәннәр көне уңаеннан "Иң якын кешеләребез!" темасына әңгәмә үткәрделәр , балалар үз куллары белән бүләкләр ясадылар.

Гаиләләр арасында "Туган ягыма көз килде" бәйгесе игълан ителгән иде. Бәйгедә гаиләләр теләп катнаштылар.Воробьевлар гаиләсе пластилиннан ясаган картиналарда туган ягыбыз көзе бик ачык, матур итеп ясалган.

Көзнең матур көнендә

Тәрбиячеләр бәйрәме.

Бүләк итәмен тәрбиячемә

Гөл-чәчәкләр бәйләме!

Тәрбияче апаларын котлап балалар җырладылар,биеделәр, матур итеп шигырьләр сөйләделәр.

"Реализация требований федерального государственного образовательного стандарта дошкольного образования средствами образовательных программ издательства "Просвещение" темасына үткәрелгән семинарда безнең балалар бакчасы тәрбиячеләре дә катнашты.

Көз алтын күлмәк кидерде

Агачларның барсына.

Җылытмый инде кояш та-

Көннәр кыскара бара.

 Көзге матурлыкны балаларыбыз рәсемнәренә күчерде."Көзге матурлыкка мәдхия" рәсемнәр күргәзмәсендә барлык балалар да катнашты.

Син килмәсәң иде суык көнем,

Җылы көзләремә иртәрәк!

Соңлап чәчәк аткан гөлләремне

Саклыйм әле сөеп,иркәләп!

Без инде хәзер зурлар,

Күп эшли безнең куллар.

Без чәчәкләр үстерәбез,

Орлыклар да җыябыз.

Киптерергә куябыз.