Урамда салкын, буран котыра,ә безнең балаларыбыз "Кышкы урманга cәяхәткә" бардылар. Алар бергәләп табышмакларга җавап бирделәр,матур итеп ябыштырып картина ясадылар.

Шундый салкын кышларда

Бу сөекле кошларга

Балалар ярдәм итә

Рәхәт тыныч кышларга.

        Балалар  җимлекләрне әтиләре белән бергәләп ясап килделәр,бакчабызга элеп куйдылар, җимлеккә һәр көнне җимнәр салалар.Бергәләп кошларның ашханәдә туклануын күзәтәләр.

Бакчабызда күңелле бигрәк,

Уртага чык син тизрәк!

  Балалар халкыбызның уеннарын яратып уйныйлар. Тәрбияче апалары белән үзләре дә яңа уеннар уйлап табалар.

Саф һавага чыгып,

Чаңгы, чана шуып,

Кышның салкыннарын

Җибәрәбез куып.

      Саф һавада балалар уйнадылар. Урамнан кергәч кышкы табигать турында сөйләделәр.

Бүген бакчабызда балалар Иске Яңа елга багышлап җырлар җырладылар.шигырьләр сөйләделәр.

Балалар ялдан соң бакчаны, дусларын сагынып килгәннәр.Бергәләп төрле кызыклы уеннар оештыралар.

Барлык христианнарны чын күңелебездән Раштуа бәйрәме белән тәбриклибез!

Раштуа–христианнарда зур бәйрәмнәрнең берсе. Ул үзенә күрә яктылык, сафлык бәйрәме булып тора. Чөнки, риваятьләргә караганда, Гайсәнең тууы «дөньяны якты акыл белән яктырткан», ә бу вакыйганы хәбәр итүче булып, шушы төндә Вифлеем йолдызлыгында гадәти булмаган якты йолдыз балкып чыга. Шушы көннән башлап, христиан дөньясы тарихында ел исәбе яңадан алып барыла башлый.
Изге эшләрегездә һәм башлангычларыгызда Ходай Тәгалә сезне үзенең ярдәменнән ташламасын. Сезнең барыгызга да исәнлек, тынычлык, иминлек телибез.

 Тәрбияче Насырова Л.М. "По  горам, по долам" исемендәге Бөтенроссия табышмаклар конкурсын оештыруда катнашкан өчен сертификат, ә Тараканова П. диплом белән бүләкләнде

Безнең балаларыбыз төрле конкурсларда катнашалар.  Бөтенроссия буенча үткәрелгән "Беренче кар" конкурсына катнашкан балалар арасыннан Абульханова Анастасиянең пластилин белән ясалган картинасы дипломга лаек булды. Аны  барыбыз исеменнән котлыйбыз! Алга таба да зур уңышларга ирешүен телибез.

Төрле-төрле утлар яна

Без уйныйбыз әйләнеп.

Бигрәк матур, бигрәк ямьле

Безнең чыршы бәйрәме.

  Бүген бакчабызда "Чыршы" бәйрәме бик күңелле үтте.

Яңа ел котлы булсын, табыннарыбыз мул, илебез тыныч, күгебез аяз торсын!