"Салават күпере" журналы үткәргән "Котлыйм сине !" бәйгесендә безнең укучыбыз да җиңүчеләр рәтендә. Алга таба да аңа уңышлар телибез. 

 В школе провели конкурс чтецов “Живая классика”. Ученик 7 класса представлен на участие в муниципальном этапе конкурса “Живая классика”

3 нче март көнне Буаның Сәгъдиев мәктәбендә Буа районы җирлегендә яшәүче рус, чуаш, татар милләте телләренә багышланган зур бәйрәм булды. Бәйрәмдә һәр өч телдә дә шигырьләр сөйләделәр, милли җырларны яңгыраттылар,  дәртле биюләрен башкардылар. Безнең мәктәптән 7 сыйныф укучысы үзенең яраткан җырын башкарып (“Без авыл малайлары”), Э.Мөэминованың “Туган телем” дигән шигырен сөйләп, тамашачыларның да, жюри әгъзаларының да симпатиясен яулады.

Мәктәбебезнең 11 сыйныф укучылары  Кильдураз мәктәбендә үткәрелгән "Казан университеты профессоры Вахит Хөҗҗәт улы Хаковның тормыш юлы һәм фәнни-педагогик мирасы " республика күләм фәнни -гамәли конференциясендә катнашып беренче һәм икенче урынны яуладылар . 

Ватанны саклаучылар көне уңаеннан авыл мәдәният йортында “Татар егете” дигән уен-бәйге оештырылды. Ул бәйгедә мәктәбебезнең 11 нче сыйныф егете Айнур да катнашты. Бәйге үз-үзең белән таныштырудан башланды. Аннары сәнгатьле шигырь сөйләү, җыр, бию, автомат сүтеп җыю бәйгеләре дәвам итте. Һәр бәйгедә алдынгылыкны алып, Айнур җиңүче булды. Афәрин, Айнур! Киләчәктә дә сиңа уңышлар гына елмайсын.

  Туган телләр көне уңаеннан  китапханәдә балалар китаплары күргәзмәсе оештырылды. 

Туган телләр көнендә (21 нче февраль) башлангыч сыйныф укучылары, татар теле турында шигырьләр өйрәнеп, мәктәп күләмендә шигырь кичәсе үткәрделәр. Укучылар телебезнең тәмен тоеп, саф татар телендә сәнгатьле итеп матур-матур шигырьләр сөйләделәр.Телебезнең нинди аһәңле, тәэсирле, хисле һәм бай тел  икәнлегенә төшендерделәр.

Туган телебез-татар теленә багышланган зур сәнгать бәйрәме үткәрдек. Анда халкыбызның дәртле биюләре  башкарылды, моңлы җырлары яңгырады, гыйбрәтле һәм тирән эчтәлекле шигырьләр сөйләнде. Һәр сыйныфтан да укучылар бик теләп һәм актив катнаштылар. Авыл  мәдәният йорты сәхнәсе гөрләп торды. Телебез мәңге яшәсен!

 Туган телләр көне уңаеннан сыйныфларда Туган телләргә багышланган тәрбия сәгатьләре узды. Алар үзара фикер алышу, әдәби-музыкаль балалар иртәсе, телләр тарихына багышланган лекцияләр формасында оештырылды. Гомумән, укучыларга  телләр турында бик күп мәгълүмат җиткерелде, укучылар үзләре дә матур һәм үтемле татар телебездә шигырьләр сөйләделәр, җырлар башкардылар. Туган телебезне яратыйк, аны саклыйк һәм баетыйк!

Аксу урта мәктәбендә чираттагы гомуми ата-аналар җыелышы булды. Җыелышның темасы: “Бала тәрбияләү-үзенчәлекле һәм җаваплы эш”.

Көн тәртибе:

1.Доклад: “Бала тәрбияләүдә гаилә һәм мәктәпнең роле”.

2.Мәктәптә уку-укыту һәм тәрбия эшчәнлегенең барышы.

3.ЕГЭ, ОГЭ, ГВЭ мәсьәләләре.

4.Гаиләне һәм мәктәпне борчыган сорауларны хәл итү.

5.Балалар тормышында Интернет куркынычсызлыгы мәсьәләләре.

6.Ата-аналарны ВПР, имтиханнар расписаниесе, укучыларны аттестацияләү формалары белән таныштыру.

7.Башлангыч һәм урта сыйныф укучыларын ПМПК тикшеренүенә алып бару мәсьәләсе белән таныштыру.