Укучыларыбыз фәннәр буенча төрле уен-бәйгеләрдә бик теләп катнашалар. Быелгы уку елында  математика фәне буенча үткәрелә торган “Көнгерә” уен -бәйгесендә барлыгы 17 укучы катнашты. Алар-2-11 нче сыйныф укучылары. Нәтиҗәләр буенча 4 нче сыйныф укучысы, иң күп баллар җыеп, дипломга һәм “көнгерә сумкасына” лаек булды.

17 нче май көнне 11 нче сыйныф укучылары чираттагы Республика контроль эшен үтәделәр: татар теленнән иҗади биремле изложение яздылар.

Пионерия туган көнгә багышлап мәктәбебездә бик матур чаралар үтте. Иң элек бөтен укучылар да линейкага тезелделәр. Алар пионерия тарихы турында лекция тыңладылар. Аннары пионерия сабан туе башланып китте. Балалар өчен төрле спорт  уеннары оештырылды:  йөз метрга йөгерү,капчык киеп йөгерү; авызга йомыркалы кашык кабып узышу; чүлмәк вату һ.б. Соңыннан барлык укучылар да алып килгән тәмле әйберләре белән сыйландылар.

Бу көннәрдә мәктәп бакчасында язгы эш дәвам итә. Тирә-якны чүп-чардан арындыру, түтәлләр казу, агач төпләрен йомшарту кебек эшләрдә бик теләп катнашабыз. Мәктәбебезнең тирә-ягы яшеллеккә күмелде. Ә бүген без мәктәп бакчасындагы алмагачларның (ә алар бик күп) төпләрен йомшарттык; матурлыкларына сокландык.   Салкыннар аркасында әле чәчәк атарга өлгермәгән алмагачларга 25 нче май-соңгы кыңгырау бәйрәменә чәчәк атарга куштык. Тиздән мәктәп бакчасы ап-ак чәчәккә, хуш исләргә күмелер.

Укучыларыбыз ТР Зеленодол муниципаль районы башкарма комитетының мәгариф идарәсе оештырган күренекле язучы Ф.Шәфигуллин исемендәге беренче муниципаль укуларда катнаштылар . Алар үзләре иҗат иткән шигырьләрне укып ,  призлы урыннарга лаек булдылар һәм I,II,III дәрәҗә дипломнар белән бүләкләнделәр .

Уважаемые родители!!!Начался набор учащихся с 7 лет до 16 лет летний оздоровительный лагерь «Чайка».Всех желающих отдохнуть , просим подойти в МБУДО «Центр внешкольной работе г.Буинска РТ»

Белем алу белән беррәттән укучыларыбыз мәктәп бакчасында да тырышып хезмәт куялар. Яз җитү белән, бакчада кызу эш башлана.  Чөнки кышка мәктәп ашханәсендә туклану өчен төрле җиләк-җимешләрне, яшелчәләрне үзебез үстерәбез бит.  Шуңа күрә апрель башында ук кишер, кызыл чөгендер орлыкларын чәчеп, суган утыртып куйдык. Ә хәзер кәбестә, помидор үсентеләрен әзерлибез. Чәчәкләр үстерү өчен җирләр казыйбыз.  Бу эшләрдә барлык укучылар да катнаша: мәктәп бакчасында тырышып эшлиләр. “Кем эшләми, шул ашамый”,-дигән бит халкыбыз да.  Тырышып эшләсәң генә мул уңыш алырга мөмкин, кыш буе  тәмле ашлар ашарга була. “Язның бер көне ел туйдыра”, -дигәннәр  әби-бабаларыбыз да.

   10 нчы майда Буа шәһәре Вахитов исемендәге татар гимназиясендә Буа районы укучыларының Россия география җәмгыятенең Татарстан бүлегеннән килгән Астахов М.В. һәм Артемьев И.В. белән очрашу булды. Алар  очучы-космонавт А.А.Леонов исемендәге су төбен өйрәнү отрядыннан. Килгән кунаклар үзләренең эшчәнлекләре турында сөйләделәр; су төбенә төшү җайланмаларын күрсәттеләр; укучыларның сорауларына җаваплар  бирделәр. Бу очрашуда география укытучысы җитәкчелегендә безнең мәктәптән 10 нчы сыйныф укучылары катнашты.

Буген мәктәп укытучылары һәм укучылары Бөек Ватан сугышында мәңгегә  ятып калган авылдашларыбыз һәйкәлеләнә чәчәкләр куйдылар . Бәйрәм авыл мәдәният сараенда дәвам итте . Биредә бәйрәм котлауларыннан соң ветеран Котдүс бабай безгә үзенең сугышчан истәлекләрен сөйләде . Укучылар күңелле бәйрәм концерты күрсәтте. Бәйрәм "Үлемсез полк" акциясе белән дәвам итте.

Мәктәбебездә Татарстанда Бөек Җиңү көне уңаеннан ел саен үткәрелә торган “Георгий тасмасы” Бөтенроссия акциясе үткәрелде. Укучыларга Георгий тасмалары таратылды һәм  бу тасманың  җиңү билгесе икәнлеге аңлатылды