“Мәрхәмәтлелек атналыгы” (“Неделя добра”) акциясе кысасында “Яшь Тимурчылар” отряды -6 нчы сыйныф укучылары Миңзифа әби, Рокыя апа, Мәгъмүрә әби, Равия апа, Зәйтүнә әби, Гүзәлия апаларга ярдәм итәргә бардылар. Алар өлкәннәргә сулар керттеләр, бәрәңге тутырыштылар, ишегалдында җыелган суларны ерып җибәрделәр. Укучыларның ярдәменә әби-апалар бик шат булдылар. Зур рәхмәтләрен әйттеләр.

Мәктәпләрдә Бөтенроссия тикшерү эшләре башланды. Ул 4,5,11 нче сыйныфларда үтәчәк. 4, 5 нче сыйныф укучылары рус теле һәм математикадан биремнәрне үтәделәр инде. Укучыларга уңышлар телибез.

19 нчы апрель көнне мәктәбебездә укучылар экологик диктант яздылар. Диктант язуда 5-11 нче сыйныф укучылары катнашты. 5-8 нчы сыйныфлар өчен кайбер сораулар шактый катлаулы булса да, 9-11 нче сыйныф укучылары сынатмадылар. Халыкара Җир көнендә диктантка йомгак ясалып,сертификатлар тапшырылуын көтәбез.

Апрель ае-Тукай ае. Шуңа күрә мәктәбебездә Г.Тукай шигырьләрен сәнгатьле укуга багышлап шигырь кичәсе үткәрелде. Анда 1-8 нче сыйныф укучылары катнашты. Алар бик матур шигырьләр  өйрәнгәннәр иде. Һәр сыйныфта иң сәнгатьле укучылар билгеләнде. Алар 26 нчы апрель - Г.Тукай туган көнне мәктәп күләмендә үткәреләчәк Тукай укуларында катнашачак.

19 нчы апрель көнне Буа шәһәренең Академик Р.З.Сәгъдиев исемендәге гомуми урта белем бирү мәктәбендә “Киләчәге бар милләт без, Шәхесләргә бай милләт без” дигән II Республикакүләм Ренат Харис укулары булды. Анда катнашу өчен өч номинациядә бәйгеләр игълан ителгән иде.

1.”Минем дә бар үз Тукаем! Күңелемдә яши һаман” секциясендә Р.Харисның шигырьләрен сәнгатьле итеп төрле телләрдә яттан укырга.

2.”Туган як бизәкләре” секциясендә, Р.Харис традициясен дәвам итеп, Туган якка багышланган рәсемнәр ясарга.

3.”Мин туган якларыма-Буа якларына гашыйк булганга гына шагыйрь булдым”(Р.Харис) Укытучылар өчен чыгышлар.

Бу зур чарага Казаннан да мөхтәрәм кунаклар-шагыйрьләр кайткан иде. Алар: Р.Харис, Ф.Галимуллин, Р.Рахман, Р.Сәлах, Р.Сәгъдиев; газета-журнал мөхәррирләре.Бу зур бәйгедә безнең мәктәптән сәнгатьле шигырь сөйләү секциясендә 3 укучы катнашты. Шуларның икесе (7,8 нче сыйныф укучылары) Җиңүче дипломнарына лаек булдылар. Рәсемнәр  бәйгесендә барлыгы 9 укучы катнашты. Шуларның  4се катнашучы шаһәдәтнамәсенә, ә 1се (2нче сыйныф укучысы) II дәрәҗә Дипломга лаек булдылар. Бу бүләкләрне алар танылган шагыйрьләр, күренекле диктор, сәнгатьле сөйләм остасы Ф.Галимуллин бәяләве белән, алар кулыннан алдылар. Афәрин, балалар! Һәрвакыт сәнгатьне яратыгыз.

17 нче апрель көнне Бик Ути төп гомуми белем мәктәбе базасында район күләмендә бердәм методик көн үтте. Темасы: “Реализация модели профессионального роста педагогов”. Районыбыз мәктәпләреннән укытучылар җыелып тәҗрибә уртаклаштылар, фикерләр алыштылар, дәресләргә анализ ясадылар, яңалыклар белән таныштылар. Безнең мәктәптән тарих һәм җәмгыять белеме, инглиз теле, математика укытучылары ачык дәресләр күрсәттеләр. Уку-укыту эшләре буенча завуч  мәктәптә методик эшне оештыру турындагы түгәрәк өстәл эшчәнлегендә катнашты. Методик көн бик тыгыз, укытучыларның  актив эшчәнлеге белән үтте. Эш барышында район мәгариф бүлеге методисты Загуртдинова И.З. катнашты.  Укытучыларның профессиональ үсешен тәэмин итәргә булыша торган мондый  эш алымнары бик кирәк, дигән нәтиҗәгә килдек.

18 нче апрель көнне Аксу урта мәктәбендә экология дәресе үткәрелде. Дәрес мәктәпкүләм линейка рәвешендә үтте. 78 укучы катнашты. Ул “Бүгенге көн экологик проблемалары” дигән темага багышланды. Дәресне мәктәбебезнең биология укытучысы үткәрде.  Бүгенге көндә нинди экологик проблемалар булуы, аларны ничек хәл итәргә, укучы балаларның тирә-як табигатен ничек пычратмаска  тиешлекләре темалары  яктыртылды. Хәзерге көндә тирә-якны чистарту икеайлыгы баруы искә төшерелде һәм  өй яннарын, капка төпләрен чистартырга кушылды.  Тирә-ягыбыз гөлт итеп торсын!

18 нче апрель көнне мәктәбебез укучылары (8,10 нчы сыйныфлар) һәм бер төркем укытучылар Буа шәһәрендә булган  Айдар Фәйзерахманов һәм аның ансамбле концертында булдылар. Концерт татар халык уен кораллары, җырлары, биюләре белән таныштыру максатында күрсәтелде. Укучылар чыгышларны бик ошатып  һәм яратып кабул  иттеләр.

Информация об итогах

Недели финансовой грамотности для детей и молодежи,проведенной в МБОУ «Аксунская сош Буинского  муниципального района РТ»

Учитель: Камалиева  Г.З.

7 нче апрель көнне  “2017 ел - Россиядә экология елы” хөрмәтенә  Буа шәһәре М.Вахитов исемендәге гимназиядә “Минем  кече Ватаным” тема астында региональ  конференция булып узды. Анда безнең мәктәптән “Әйләнә - тирә һәм кеше сәламәтлеге” секциясендә 11сыйныф укучысы  I урынга лаек булды.