"Язгы изгелек атналыгы" уңаеннан 22нче апрель көнне Фәнис Яруллин музей-йортында тыл ветераннары белән очрашу узды.  Ветераннар укучыларга сугыш елларына туры килгән авыр балачак истәлекләрен  сөйләделәр. Укучылар аларга үзләрен кызыксындырган сорауларны бирделәр, ветераннар хөрмәтенә әзерләгән  концерт номерларын күрсәттеләр. Соңыннан барысы бергә фотога төштеләр. Очрашу барыбызга да бик ошады.

Космонавтика декадасы уңаеннан бу атнада мәктәптә "Краски космоса" исемле рәсем бәйгесе үтте.

22 нче апрель көнне  5 нче, 6 нчы, 7нче сыйныфлар арасында Ф.Яруллин әкиятләре буенча КВН үтте. Анда 6нчы сыйныф укучылары  җиңде.

"Язгы изгелек атналыгы" уңаеннан 21 нче апрель -"Дуслык көне" буларак билгеләп үтелде. Югары сыйныф укучылары бу көнне мәктәптә кечкенәләр өчен төрле тренинглар үткәрде.

Бу атнада башлангыч сыйныф укучылары арасында "Куркынычсыз юлда йөрү"  дип исемләнгән рәсем бәйгесе үтте.

Бүген  Шимбә өмәсе узды. Укучылар мәктәп янын җыештырды.

Туган тел айлыгы уңаеннан бу атнада урта һәм югары сыйныф укучылары арасында юбиляр язучыларыбызга багышланган стена газеталары бәйгесе үтте.

Туган тел айлыгы уңаеннан бүген мәктәбебездә  шигырь укучылар бәйгесе узды. Ул Җиңүнең 70 еллыгына багышланган иде.

Башлангыч сыйныф укучылары арасында  4 нче сыйныф укучысы Низамова Ралина, урта сыйныфлар арасында 5 нче сыйныф укучысы Идрисов Айнур, югары сыйныфлар арасында 8 нче сыйныф укучысы Зянгареева Әдилә һәм 10 нчы сыйныф укучысы Миннегәрәева Алсу җиңүче дип табылды.

Туган тел айлыгы уңаеннан бүген мәктәбебездә "Мин татарча сөйләшәм!" акциясе узды. Укучылар бу көнне түшләренә акция эмблемасын тагып йөрде һәм бары тик үз туган телебездә генә аралашырга тырышты.

Җиңүнең 70 еллыгына әзерлек дәвам итә.

Бу атнада мәктәбебез кайнап торды,кызыл канәфер чәчәкләренә күмелде, чөнки мәктәпнең һәр укучысы  үз куллары белән кызыл канәфер чәчәкләре ясады.

Җиңү бәйрәме көнне укучылар бу чәчәкләрне  сугышта һәлак булган бабаларыбыз истәлегенә салынган һәйкәлгә куячак.