3нче сентябрь көнне унбер ел элек Беслан шәһәрендә булган фаҗигале вакыйгалар белән бәйле булган искә алу линейкасы узды. Ул шул фаҗигагә дучар булганнар истәлегенә бер минут тынлык белән башланып китте.

Линейкада шулай уку куркынычсызлык кагыйдәләре турында тагын бер кат искәртелеп кителде. Сыйныфларда укучылар, инструктажлар үтеп, кул куйдылар. 

Уку елы башлану уңаеннан бүген мәктәбебездә сыйныф ата-аналар җыелышлары үтте. Соңыннан, сайлау алды агитациясе белән бәйле рәвештә, район администрациясе вәкилләре катнашында авыл җыены узды. 

Бүген мәктәбебездә Белем бәйрәменә багышланган тантаналы линейка узды. Быелгы уку елында мәктәп бусагасын 21 беренче сыйныф укучысы атлап керде.  Уңышлар сезгә, укучылар!

Яңа уку елы "Мин сәләтле!" дигән исем астында узган сыйныф сәгатьләреннән башланып китте. Укучылар бу дәрестә сәләтле кешеләр турында сөйләшеп кенә калмадылар, алар белән очрашып, җанлы әңгәмә дә кордылар. Гомумән, "Булган сәләтне ничек үстерергә?" һәм "Тормышта зур уңышларга ничек ирешергә?"дигән сорауларга да бергәләп җавап эзләделәр.  Ә башлангыч сыйныфларда  уен алымнары да кулланылды.

Җәйге каникулларның беренче көне булуга карамастан, мәктәбебез ишегалды бүген балалар тавышыннан гөрләп торды. Чөнки 1 июнь- Балаларны яклау көне уңаеннан, мәктәптә зур бәйрәм- Кече сабантуй үтте. Балалар бәйрәмдә төрле уеннарда катнаштылар, футбол уйнадылар , асфальтка рәсем ясадылар, биеделәр һәм боларның барысы өчен дә  күптөрле призлар алдылар.

Бәйрәм бик күңелле үтте.

Бүген мәктәптә Соңгы кыңгырау бәйрәме үтте.

20нче май көнне мәктәбебез укучылары башкалабыз Казанда үткән Һөнәри осталык ярминкәсендә булып кайттылар. 

Бүген мәктәбебез укучылары борынгы Болгар шәһәренә экскурсиягә бардылар.Укучылар Болгар дәүләте тарихы белән танышып,  бик күп яңалыклар белеп ,борынгы истәлекләрне күреп кайттылар.

Бай эчтәлекле һәм кызыклы сәяхәт барыбызга да бик ошады. 

Җиңүнең 70-еллыгы уңаеннан бүген авлыбыз урамнарыннан Үлемсез полк үтте.

Мәктәп укучылары, Бөек Ватан сугышында катнашкан бабаларының портретларын тотып , аларны искә алыр өчен, обелиск янына бардылар.

Җиңүнең 70-еллыгы уңаеннан бүген Бөек Ватан сугышында һәлак булган авылдашларыбыз истәлегенә салынган яңа обелиск ачу тантанасы үтте.