Зурлар һәм мәктәпкә хәзерлек төркеме балалары "Социаль-шәхси белем бирү өлкәсе" буенча театральләштерелкән күренеш "Каз өмәсе" күрсәттеләр. Анда кул эшләре, кунакчыллык, туган авылга һәм башка милләт халкына булган мөнәсәбәтләр чагылдырылды. 

"Туган авылым" проекты кысаларында әти-әниләрнең кул эшләреннән күргәзмә оештырылды.

Бүген бакчабыз иртәдән үк көлеп торды. Чөнки әниләр көне уңаеннан безнең кадерлеләребез - әниләребез бәйрәм иртәсенә килделәр. Балалар аларны үзләренең матур шигырьләре, моңлы җырлары, дәртле биюләре белән сөендерделәр. Бәйрәм азагында үзләренең нәни куллары белән ясаган открыткаларын, истәлекле бүләкләрен тапшырдылар. 

Бакчабызда тәрбияләнүче балалар Әниләр көне уңаеннан  кадерлеләрен сөендерү өчен кулдан тынычлык кошлары - күгәрченнәр ясадылар. 

Безнең бакчада тәрбияләнүче балалар рәсем ясарга, кул эшләре эшләргә яраталар. Аларның иҗат җимешләре төрле конкурсларга җибәрелә һәм дипломнарга, грамоталарга ия була. Ноябрь аенда " Рисуем ладошками и пальчиками" дигән Бөтенрәсәй интернет конкурста катнашкан балалар дипломнарга лаек булдылар. Аларны җиңүләре белән котлыйбыз, иҗат уңышлары телибез. 

Бакчабызның мәктәпкә хәзерлек төркемендә тәрбияләнүче балалар тәрбиячеләре Исрафилова Раилә Мөхәммәтфатих кызы белән республика күләмендә үткәрелә торган янгын куркынычсызлыгына багышланган бәйгенең район этабына "Уттан саклан!" дигән темага кул эше әзерли башладылар. Аларга зур уңышлар, җиңүләр телибез.

Мәктәпкәчә яшьтәге балаларның  IV спорт фестивалендә безнең бакчаның "Бөрбаш йолдызчыклары" командасы I урынны яулады.  Балаларны зур җиңүләре белән котлыйбыз. Аларга алда да шундый җиңүләргә ирешүләрен, сәламәтлек телибез. 

Уртанчылар төркемендә бер атна   "Туган авылым" проекты дәвам итте. Тәрбиячеләре Зөлфия Нургаяновна балаларны авылның табигате, истәлекле, тарихи урыннары белән таныштырды, әти-әниләрнең кул эшләреннән "Авылымның истәлекле урыннары" темасына кул эшләре күргәзмәсе оштырды.

"Кышлаучы кошлар" проектын йомгаклау максатыннан нәниләр төркемендә бәйрәм үткәрелде. Бәйрәмдә балалар көз турында белгәннәрен сөйләделәр, җырга, биюгә булган сәләтләрен дә күрсәттеләр. Кунакка килгән "күгәрчен" белән уеннар уйнадылар. 

"Кышлаучы кошлар" проекты тәмамлану уңаеннан, зурлар һәм мәктәпкә әзерлек төркеме балалары кошлар патшалыгына сәяхәт кылдылар. Кошлар патшасы аларның кышлаучы кошлар турындагы белемнәрен сынады, яңа уеннар өйрәтте, җимлекләрне күбрәк ясарга һәм кошлар турында даими кайгыртып торырга кирәклеген искәртте. Бәйрәмнән соң балалар әтиләре ясап биргән җимлекләрне бакчага урнаштырдылар, җим салдылар.