Бүген безнең бакчабызда Сабантуй бәйрәме гөрләп узды. Балалар матур шигырьләр сөйләделәр, җырладылар, биеделәр, уйнадылар, ярыштылар. Уен мәйдәнчыгы аларның шат авазлары белән тулып торды. 

Кашыкка салып күкәйне

Йөгерегез тизерәк.

Күрик эле бу ярышта

Кайсыгыз җитезерәк?!

Кемнәр җитез, кем өлгер,

Минем янга килегез.

Әйдә, карыйк узышып

Капчык киеп ярышып.

Бакчада узган Сабантуй өчен Динә һәм Диләрәнең әти-әнисе бүләкләр бирде. Алар гаиләсенә зур рәхмәтебезне белдерәбез.

Бүген бакчабызда мәктәпкә хәзерлек төркеме балалары белән хушлашу кичәсе булды. 

Уза гомер аккан сулар кебек,

Үсеп бара безнең балалар.

Бакчабызда үскән сабыйлар

Мәктәпләргә инде баралар.

Хәерле юл сезгә, балалар!

Бакчабызның чыгарылыш төркеме әти-әниләре коллектив өчен язгы табигатьтә күңелле ял оештырды. Аларга үзебезнең коллектив исеменнән зур рәхмәтебезне җиткерәбез, алга таба да шулай бергә яшәргә язсын дигән теләктә калабыз. 

Бакчада язгы эшләр тәмамлану алдында. Кишер, чөгендер, суган, бәрәңге утыртылды. Ишегалдын бизәү өчен бик күп төрле чәчәкләр чәчелде, рассадалар күчерелде. 

Бакчабызда матур булып,

Лаләләр чәчәк атты.

Ялдан килгәч бөтен бала

Яңалыкка шаккатты. 

Оста куллы хезмәткәрләр шундый матур гөлләргә җан өрделәр.

Бөрбаш авыл җирлеге уздырган праймерзда бакчабыз мөдире Шарифуллина Розалия Харисовна район советы депутаты буларак чыгыш ясады.