Бакчабызда эшләүче хезмәткәрләр Җиңүнең 70 еллыгына багышлап кул эше ясадылар. 

Зурлар һәм мәктәпкә хәзерлек төркемендә тәрбияләнүче балалар авыл китапханәсендә оештырылган "Сугышчан дан" почмагындагы экспонатлар, сугыш һәм тыл ветераннары турында язмалар, альбомнар карадылар. 

Кечкенәләр төркеме малайлары "Солдатта булган диләр" җыры белән тамашачыны сөендерделәр. 

Уртанчылар төркемендә тәрбияләнүче балалар Җиңүгә 70 ел уңаеннан "Матрос" биюен өйрәнделәр һәм сәхнәгә куйдылар. 

Бүген авылыбызның мәдәният йорты гөрләп торды. Чөнки анда уртанчылар һәм кечкенәләр төркемендә тәрбияләнүче балалар бакча хезмәткәрләре белән берлектә бәйрәм концерты куйдылар. Концертка килгән әти-әниләр, әби-бабайлар, кунаклар күтәренке кәеф белән, нәни артистларга рәхмәт әйтеп таралыштылар. 

Бакчабызда тәрбияләнүче балалар 8 март уңаеннан әниләргә бүләкләр ясадылар. 

Суган, сарымсак - авыруларның иң беренче дошманнары. Организмга язын витамин җитми. Шуңа бакчабызның мәктәпкә хәзерлек һәм зурлар төркемендә тәрбияләнүчеләре тәрбиячеләре Раилә Мөхәммәтфатиховна белән суган утырттылар. Аны көн саен карап, су сибеп торалар. 

Бакчабызның һәр төркемендә Җиңүнең 70 еллыгына багышлап передвыжкалар эшләнелде,  "Сугыш чоры балалары" дигән папкалар тутырылды.  

Бүген Ватанны саклаучылар көнен билгеләп үттек. Бәйрәмнең кунаклары - бабайларыбыз иде. Алар армиядә булганнар, солдат хезмәтен үтәп кайтканнар. Солдатларга багышланган шигырьләр; әтиләр һәм бабайлар турында җырлар, "Йолдыз" биюе һәркемнең күңеленә хуш  килде.  

Бүген уен мәйданчыгы әтиләрнең көр тавышы белән балаларның шат авазыннан гөр килеп торды. Балаларны җитәкләп әтиләр өч командага бүленделәр һәм кызыклы уеннарда катнаштылар, ярышларда көч сынаштылар. Уенда дуслык җиңеп чыкты, һәркем үзен җиңүче һәм актив уенчы итеп хис итте.