26 нчы гыйнвар көнне 4-5 сыйныф кызлары районда узган хоккей фестивалендә катнашып кайттылар. Аларга футболкалар, медальләр бирелде. Кызларга бу фестиваль бик ошады!

25 нче гыйнвар - Студентлар көне буларак билгеләп үтелә. Шул уңайдан мәктәбебез Алдынгылары үзебезнең мәктәпне тәмамлаган студентлар белән очрашу кичәсе оештырдылар. Әлеге кичә төрле уеннар, кызыклы мәзәкләр, сорау-җавап белән үрелеп барды.
Кадерле Студентларыбыз! Сезне ихластан шушы бәйрәм белән котлыйбыз! Сезгә укуыгызда зурдан зур уңышлар, яхшы дуслар теләп калабыз!

1944 нче елның 27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 80 ел тулды. Ленинград 1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен бу үлем исе аңкып торган иң авыр 872 көн була. Зур шәһәрләрне шулай озак саклауга мисаллар хәтта дөнья тарихында да юк. Шәһәрдә 2,5 миллион кеше кала. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды.
Шул уңайдан мәктәбебез Алдынгылары мәктәп китапханәсе белән берлектә Ленинград блокадасына багышланган күргәзмә әзерләделәр.

Мәктәпләрдә  фильмнар карау дәресе, ягъни, "Киноуроки" кертелде. Укучылар әлеге фильмнар аша кешеләрнең яхшы яисә яман сыйфатларын аерырга өйрәнәләр.
Бүген башлангыч сыйныфлар "Воин света" фильмын, ә югары сыйныфлар "Школьные ботаны" фильмын карадылар.

Мәктәп китапханәсендә 3-4 нче сыйныф укучылары белән китапханәгә алдыра торган балалар журналларына күзәтү ясалды. Балалар журналның кызыклы рубрикаларын белән таныштылар, күңелле хикәяләр һәм шигырьләр укыдылар.

8 нче сыйныф укучысы Мифтахов Әнәс математика буенча республика олимпиадасында катнашты.

"Новогодняя игрушка ПДД" конкурсында катнашкан укучыларыбызны бүген линейкада бүләкләдек. 5 нче сыйныф укучысы Гарифуллина Ясминә җиңүче, ә 4 нче сыйныф укучысы Низамов Айзат призер. Укучыларыбызны чын күңелдән котлыйбыз, алга таба да зур уңышлар теләп калабыз!

10 гыйнвар - Нәкый Исәнбәтнең тууына 125 ел. Шул уңайдан мәктәбебезнең китапханәсендә күргәзмә оештырылды.

ЯҢА ЕЛ БӘЙРӘМЕ!
27-28 нче декабрь көннәрендә мәктәбебездә Яңа ел бәйрәме булып узды. Бәйрәм башында мәктәбебез директоры уку алдынгыларын бүләкләде. Балалар үзләре әзерләгән концерт номерларын күрсәттеләр. Шулай ук маска да якладылар безнең укучылар! Әле алай гына түгел Кыш Бабай да кереп, үзенең теләкләрен, бүләкләрен тапшырып китеп барды!

Алдынгылар хәрәкәтенең "100 идея" проектында 9 нчы сыйныф укучысы Юсупова Дилбәрнең идеясы иң яхшы идея буларак танылган иде. Әлеге идеяны без мәктәбебездә тормышка ашырдык. 5-9 нчы сыйныф укучылары "Серле Кыш Бабай", ягъни, "Тайный Санта" уенын уйнадылар. Алар бер-берсенә көтелмәгән бүләкләр ясадылар.