8 нче сыйныф укучылары Бөек Җиңүнең 80 еллыгын каршылау чарасында катнашу өчен "Тынычлык күгәрченнәре" әзерләделәр.

8 нче сыйныф укучылары "Кошлар иленә сәяхәт" буклетларын яңарттылар, кошлар турында яңарак мәгълүматлар тупладылар.

Ватанны саклаучылар көне уңаеннан үткәрелгән Әтиләр бәйрәмендә әтиләрнең юл йөрү кагыйдәләрен ничек белүләрен дә тикшереп алдык. Мәктәпнең яшь инспекторлары-ЮИД отряды белән берлектә төрле уеннар, сораулар, табышмаклар чиште алар. Чараның мөхтәрәм кунагы-Балтач ЮХИДИ идарәсе хезмәткәре Лилия Мөхәммәт кызы  Һадиева нәтиҗәләр чыгарды, бүләкләде. Аның юлда иминлек кагыйдәләре, штрафлар, бурычлар һәм хокуклар турындагы чыгышы да бик әһәмиятле булды.

Киноуроки: "Экзамен", "Дом"

Мәктәбебезнең "Курай" һәм "Сорнай" уен кораллары ансамбльләре "Без бергә!" конкурсында уңышлы чыгыш ясап кайттылар!

Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба.
Шушы матур бәйрәм уңаеннан мәктәбебездә бәйрәм концерты булып узды. Әниләр концерт номерларын гына карап утырмадылар, ә төрле уеннарда да көч сынаштылар! Кадерле хатын-кызлар: әбиләр, әниләр, апалар, сеңелләр! Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Ватанны саклаучылар елы уңаеннан мәктәбебездә төрле очрашлар үткәрелеп тора. Махсус хәрби операциядән ялга кайткан авылдашыбыз - Рәсүл Магсумянов та безнең мәктәпкә очрашуга килде. Ул укучыларны үзенең эшчәнлеге белән таныштырды. Укучылар аңа үзләрен кызыксындырган сорауларын да җиткерделәр.

1 нче сыйныф укучылары үзләренең яраткан дәреслекләре белән саубуллаштылар. Җир йөзендә кем генә булмасын, кайда гына хезмәт итмәсен, ул зур дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан, Азбукадан башланган. Димәк, Әлифба китабы озын гомерле, тирән мәгънәле - байлык ул.

Бүген мәктәбебезнең Алдынгылары "Аҗаган-2025" уенын уйнадылар. Алар ике командага бүленделәр һәм тиешле биремнәрне үтәп, байракны таптылар. Уен бик күңелле булды! Ахырдан укучылар коймак белән тәмләп чәй эчтеләр!