8 нче февраль көнне районыбызда Ватанны саклаучылар елына багышланган кул көрәше ярышы булып узды. Безнең мәктәп укучылары барысыда зур уңышлар белән кайттылар!

8 февраль - Россиядә Фәннәр көне
Фән - ул алга китеш, хәрәкәт, тормышның барлык өлкәләрендә (медицина, мәгариф, икътисад, җитештерү) үсеш бирә торган көч. Галимнәрнең ачышлары кешелекне тормышның, аның сыйфатын яңа дәрәҗәсенә күтәрә. Советник Нотфуллина Р.И. белән берлектә мәктәбебез Алдынгылары 4-5 нче сыйныф укучыларына интелектуаль уен оештырдылар. Әлеге уен бик кызыклы булды! Укучылар үзләре өчен күп мәгълүмат белделәр.

Мәктәбебезнең 8 нче сыйныф укучылары һәм аларның әти-әниләре комитеты "Тату сыйныф серләре" конкурсында катнаштылар.

Мәктәбебез Алдынгылары "Факел" яшүсмерләр клубы оештырган "Мин татарча сөйләшәм" бәйгесендә катнашып, зона этабында 2 нче урын яулады. Кызыклы һәм файдалы очрашу барышында командалар күп төрле сынаулар үтте. Барлык командалар да ярышны ошатып, үзара дуслашып кайтты.

Мәктәбебезнең Алдынгылар хәрәкәте лидеры - Аухадиева Иделия "Замечательный вожатый" конкурсында катнашып гран-прига лаек булды! Иделияне һәм аны әзерләгән укытучыбыз - Руфия Бильсуровнаны чын күңелдән шушы зур уңышлары белән котлыйбыз, алга таба зур үрләргә ирешүләрен теләп калабыз!

Фильм карау дәресләре дәвам итә мәктәптә. Бу атнада югары сыйныфлар "Живой город" , ә башлангычлар "За руку с Богом" фильмнарын карадылар.

27 гыйнвар – Холокост корбаннарын искә алу көне. 1945 елның 27 гыйнварында совет гаскәрләре Освенцим концлагерен (хәзерге Польша территориясендә) азат итә. Бу көн Халыкара Холокост корбаннарын искә алу көне итеп, 2005 елда Берләшкән Милләтләр Оешмасы Генераль Ассамблеясе резолюциясе белән билгеләнә.
Советник Нотфуллина Р.И. белән берлектә мәктәпнең Алдынгылары квест-уен әзерләделәр. Уен бик күңелле булды!

26 нчы гыйнвар көнне 4-5 сыйныф кызлары районда узган хоккей фестивалендә катнашып кайттылар. Аларга футболкалар, медальләр бирелде. Кызларга бу фестиваль бик ошады!

25 нче гыйнвар - Студентлар көне буларак билгеләп үтелә. Шул уңайдан мәктәбебез Алдынгылары үзебезнең мәктәпне тәмамлаган студентлар белән очрашу кичәсе оештырдылар. Әлеге кичә төрле уеннар, кызыклы мәзәкләр, сорау-җавап белән үрелеп барды.
Кадерле Студентларыбыз! Сезне ихластан шушы бәйрәм белән котлыйбыз! Сезгә укуыгызда зурдан зур уңышлар, яхшы дуслар теләп калабыз!

1944 нче елның 27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 80 ел тулды. Ленинград 1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен бу үлем исе аңкып торган иң авыр 872 көн була. Зур шәһәрләрне шулай озак саклауга мисаллар хәтта дөнья тарихында да юк. Шәһәрдә 2,5 миллион кеше кала. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды.
Шул уңайдан мәктәбебез Алдынгылары мәктәп китапханәсе белән берлектә Ленинград блокадасына багышланган күргәзмә әзерләделәр.